L'art de l'ingann

Quest articol chì l'è scrivud in lombard, con la Noeuva Ortografia Lombarda

L'art de l'ingann a l'è un liber in su l'ingegneria sociala scrivud in del 2001 del Kevin Mitnick e del William L. Simon e dad foeura l'ann dopo. El trata, in manera precisa e con metod, 'me otegnì informazzion e ciav per andà dent in sui sistema informativ e 'me doperà 'sti informazzion per el propi vantagg, per esempi vun che 'l schiva una multa per ecess de velocità cont una gabola a la polizzia, per savé quand che el polee che gh'ha fad la multa el saria stad in ferie e donca minga disponibel in tribunal, vun che 'l se fa dà la password de 'n azienda, che la cambia ogni dì, a fà finta de vesser un dipendent che 'l voleva lavorà de cà cont una gran tempesta o vun che l'ha otegnud un frach de informazzion reservade de 'na start up a fà finta de vesser amis del CEO.

El Mitnick l'ha poeu dad foeura un liber pussee in su l'aspet tecnegh de l'hacking, ciamad L'art de l'intrusion, e poeu El fantasma in la red, soa autobiografia.

Bibliografia

• Kevin David Mitnick, L'arte dell'inganno, Milano, Feltrinelli Editore, 2002, ISBN 8807818418.