Kamala Harris

De Wikipedia
Salta a la navigazzion Và a cercà
Lombard Quest articol chì l'è scrivud in lombard, con la Noeuva Ortografia Lombarda
La Kamala Harris in de la foto ofizzial comè senatora.

La Kamala Devi Harris (pernonzia inglesa: ['kɑːmələ 'hærɪs]; Oakland, 20 de otober del 1964) l'è ona politega mericana. A partì del 20 de sginer del 2021 l'è vizzi-presidenta di Stat Unid in del ticket del Joe Biden, dopo vesser stada senatora per la California e ancamò prima procurator general del Stat.

Biografia[Modifega | modifica 'l sorgent]

L'è nassuda a Oakland, tosa de ona dona de origin indiana (Chennai) e de on pader de origin giamaicana. La studia a la Howard University e poeu a l'Hasting College of the Law de San Francisco. Fenid de studià, la lavora come vizzi-procuradora distretuala in de la Conteja de Alameda (1990-1998). Dopo d'avè lavorad per duu agn in quell ofizzi, in del 2003 l'è elesgiuda procuradora distretuala de San Francisco, per vesser poeu reconfermada in del 2007. In del 2010 la deventa la procuradora general de la California, e inscì ancamò in del 2014. La Harris l'è stada la prima dona a quatà quella carega, e per sgionta la prima de origen asiatega. Semper in del 2014 la se marida con l'avocat Douglas Emhoff.
In del 2016 la se candida ai elezzion del Senad cont el Partid Democrategh: la vensg i primarie del so partid, e poeu la bat la soa aversaria Loretta Sanchez, anca lee democratega. Inscì la deventa ona senatora, la prima in de la storia di Stat Unid a vesser de origen asiatega.
In del 2019 la toeu part ai primarie del Partid Democrategh per la presidenza di Stat Unid. La se retira in del marz del 2020, e la ghe da sostegn al Joe Biden, che el dodes de agost la scerniss come candidada a la vizzi-presidenza, e l'è elegiuda in di elezzion.

Riferiment[Modifega | modifica 'l sorgent]