Istitut de Istruzzion Superior Giovann Romani
|
Quest articol chì l'è scrivud in lombard, con la Noeuva Ortografia Lombarda |
L'Istitut de Istruzzion Superior Giovann Romani a l'è una scoeula superior de Casalmagior, in provincia de Cremona, che 'l ofriss un licee classegh, un licee scientifegh, un Istitut Tecnegh informategh e di istruzzion professionai.
I prim insegnament classegh in la cità gh'eren sgiamò in del 1424, ma una scoeula dedicada la derva in del 1639, gestida di Fraa Barnabita in quella che l'è stada la sed de la scoeula fina al 1975, che in del 1810, cont un decret de Napoleon, la passa al comun 'me gestion e i austriegh la lassen inscì.
A l'unità d'Italia se parla de sopression o de trasformazzion in d'una scoeula di art e mester ma in del 1887 l'è nomnad Regio Ginnasi, cioè statal, e dopo 'na longa suplega de quei de la cità in del 1964 l'è mitud anca el licee, fina al 1967 dependent del Licee de Cremona. In del 1995, in d'un mester de razionalizzazzion, l'è fondad el Pol Scolastegh de Casalmagior.