Istitut Tecnegh Statal Ettore Conti
|
Quest articol chì l'è scrivud in lombard, con la Noeuva Ortografia Lombarda |
L'Istitut Tecnegh Statal Ettore Conti (Istituto Tecnico Statale Ettore Conti in italian) a l'è un istitut tecnegh sit a Milan, in pè del 1942 ma con di origin fina al 1922. Incoeu el gh'ha dò sed: vuna arenta a Segesta, propi tacada al Licee scentifegh Vittorio Veneto e l'oltra, sucursala, arenta a Bonola.
Storia
[Modifega | modifica 'l sorgent]In del 1922 l'Ettore Conti el fa su, in la scoeula di art e di mester de via Santa Marta, una scoeula de sira per capi-tecnegh, capi-repart e jut-ingegner, el 1 de otover 1942 el deventa de dì e 'l ciapa el nom del so fondator, scerna confermada cont un decret lesg del 1946.
In di agn '60, cont el cresser de la domanda, a l'è spostad in d'una sed noeuva, in d'una zona de Milan in desvilup e vesina ai aziende, cont una costruzzion propi arenta a quella del licee Vittorio Veneto, fada cont el midem stil. In del midem period l'è vuna di prime scoeule in Italia a meter l'adressa de eletronega e telecomunicazzion.
In di agn '70 un noeuv cresser in di iscrizzion el mena a dervì di noeuv sed, compagne de l'ITIS Stuparich e de l'ITIS Galilei, che poeu deventarann autonome (vuna incoeu l'è partida in tra el Gentileschi e 'l Curie, l'oltra l'ha tegnud el so nom), e in di agn '80 l'è vun di pol nazzionai per la formazzion informatega di professor.
In del 2002 ghe meten dent l'adressa del licee scentifegh tecnologegh, e de l'ann scolastegh 2014/2015 l'è verta la sucursal de Via Betti, per ciapà dent la sezzion de licee sportiv.
Adresse
[Modifega | modifica 'l sorgent]La scoeula, incoeu, la ofriss quater adresse de istitut tecnegh tecnologegh, quell de eletronega, de eletrotecnega, de mecanega e de logistega, e 'n licee di scenze aplicade in la soa sed principal e 'na sezzion di scenze aplicade e del licee sportiv in la sucursal.