Isolament tèrmich

Quest articol chì l'è scrivuu in lombard, grafia milanesa.

Quella vos chi la gh'ha mìnga dì font o a hinn tròpp pocch. Per piesè, gionta di font a la vos.
Per avè on'ideja di alter vos senza font, vardee chichinscì.

Con isolamént tèrmich a se voeur insegnà tucc i sistèma e i operazión per ridù el fluss de calór scambiàa infra dò zònn a temperadura divèrsa. L'isolamént tèrmich in edilizia el gh’hà l’obiettìv de contegnìi el calòr (per la protezión del cald de l’estàa a l’è pussée giust parlà de "schermatura del calór").

I intervent de isolamént tèrmich in edilizia hinn regolàa di disposizión de la Comunità Europea che i progettista e i operari gh’hànn de attegnìssegh. Donca a l’è giust cattàa su di infromazión in manera molt dettagliada sora i requisìi de la leg e anmò pussée sora i capacitàa tècnich reáj di operari specializzàa che gh’hànn de frequentà di córs fa apòsta e scortàss d’ona certificazión adatta.

Descrizion

L'isolamént tèrmich de on cèrt materiál a l’è misuràa per mèzz de la soa conduttività termica e ‘l gh’hà come unitàa de misura el Lambda, esprèss in $\left[{\frac {W}{m\cdot K}}\right]$ .

Se inscambi a consìderom on elemènt in del sò insèma parlóm de coefficente totál de trasmissión tèrmica U (esprèss in $\left[{\frac {W}{m^{2}K}}\right]$ ):

U={\frac {1}{{\frac {1}{hi}}+{\frac {d1}{\lambda 1}}+{\frac {d2}{\lambda 2}}+...+Rg+...+{\frac {dn}{\lambda n}}+{\frac {1}{he}}}}

indoe:

h_i e h_e a hinn i coefficent de scambi tèrmich o coefficént superficiáj con l'ambiént estèrno, e varen:
- 8: aria stagnanta (intèrni e paréd de foeura ventilàa o cont on spazzi de mèzz)
- 23: ària in condizión de mòto convettìv (estèrni)
- ∞: per di elemént de la costruzión piantàa denter in del terrén
λ1,λ2...λn hinn i coefficént de conduttività tèrmica di materiaj che fànn su l’elemént
d1,d2...dn hinn i spessór relatìv
Rg a l'è la resistenza tèrmica al passagg tèrmich di strat de aria immòbil.

La resistenza termica pussée alta la se ottén cont el materiál de densità pussée bassa ma ‘l spessór pussée elevàa; in quèlla manera chì el cost totál per meter quadràa el sarà infra i pussée vantaggiós. Secónd conforma a la nórma EN 13165 Allegàa A e C - la temperadura media de 10°C a l’è el riferimént per la conduttività termica deciarada del costruttór.

Materiaj isolant

I materiaj de isolamént tèrmich hinn quèj che ghe dànn contra ‘l passàgg del calór. I isolànt tèrmich pòden vèss classificàa a segonda de:

El tipo de materiál
- mineral
- vegetal
- petrolchimega
- animál
La natura del materiál:
- naturál
- sintètich
- orgànich
- inorgànich
A la soa struttura:
- slègnera, a cèllula avèrta cont on nùmer elevàa de fìber, e anca con la presenza di canàj de diametro ridòtt che conlìghen cont el de foeura. Quèsta presenza insèma di canàj e di fìber la ghe permètt al materiál de avègh di capacitàa elevàa de isolamènt tèrmich, de permeabilità al vapor e de assorbimènt acùstich.
- cellulár, a cèllul saràd ottegnùd per mèzz de l’espansión del materiál. La gh’hà denter di quantità elevàa d’aria ferma in di cèllul che però a hinn mingà conligàd voeuna a l’altra.
- porosa, che la gh'hà denter tanti spazzi voeuj. La gh'hà di proprietà compàgn de la struttura cellulár.

Origine minerale

Struttura cellulár

Argilla spanduda
Perlite spanduda
Vermiculite spanduda
Pòmes
Veder cellulár
Risistenza a la pressión òttima, impermeabilità al vapór, resistenza a l'umidità. Fàa su per la pupàrt de veder recuperàa, el rappresenta on isolánt tèrmich òttim (è anca priv de sostánz nocìv) ma el gh’hà on ritorna energétich pèssim de l’investiment pèssim.
Lana de ròccia
Ciamada anca lana minerál, la se ottén cont el fond i metàj che la fànn su, e vegnen sòlid de noeuv in forma de fìber che, de spèss hinn tegnùd insèma d’on ligánt fondàa sora la resina termoindurenta.
silicàa de calcio

Origin vegetal

El poliuretán spandùu el pò vèss anca de orìgin vegetál. I polimer de orìgin vegetál de spèss i gh’hànn di caratterìstich molt visìn ai prodòtt de orìgin minerál ma el coefficent de conduttività tèrmica l’è assée sfavorévol.

I poliuretán de orìgin vegetál, poeu , hinn assosènn pussée car, e a bon cunt, ménen nissun vantàgg técnich.

Struttura slègnera

Fibra de cellulosa
Ottengnuda de carta de giornál recuperada a l’è 'n prodòtt riadoperàbil e recuperàbil. A l’è igrosòpica, traspiranta, a l'è 'n bon isolánt acùstich e 'n fonoassorbént. La pò vèss doperada in "fiòcch", "gran" e "pannèj". Del pont de vista del bilànc energètich e ecològich a l’è vun di isolánt pussée interessánt
Fibra de lègn
I pannèj de fibra de lègn vegnen prodòtt a pàrtì di scàrt de la lavorazión che vegnen sfregujàa e schisciàa, la còlla l’è la lignina, presenta naturalmént in del lègn.
Fibra de lègn mineralizzada
El procèss de produzion de sti pannèj chì l’è del tutt divèrs di pannèj in fibra de lègn, rispètt ai quàj gh’hànn pussée de inèrzia tèrmica.
Fibra de canapa
Fibra de lino
Fibra de còcch
l’è stada semper doperada in oriént.
Fibra de iuta
Sighignoeul de lagh
El sighignoeul de lagh el mètt insèma 'na capacità de isolamènt discrèta a ‘na resistenza a l’umidità ecelénta. Quèl fàa chì la fàa ideál, oltra che de realizzà i tècc, anca per l’isolament a paltò in di zònn ùmed.

Struttura a cèllul

sùgher
L’isolament tèrmich per mèzz del sùgher el gh’hà semper come materiál de partenza el prodòtt in forma de granìtt, che ‘l ven tràa foeura de la polpa che la gh'è sta trada via la scòrza. I granìtt pòden vèss doperàa direttamént (per impienì i spazzi de mèzz, eccètera) oppùr vèss trasformàa in pannèj. I pannèj pòden vèss realizzàa in dò manér: con l'incollada (pannèj pussée ciàr) oppùr per mèzz d’ona sòrta de sinterizzazión: cont el scaldà e cont el comprìmm i granìtt la se fà sortì foeurade la suberina, che intanta che la se reffrèggia la liga insèma i granìtt (pannèj scur).

Origin petrolchimega

poliuretán
I poliuretàn spandùu rìgid a hinn fa su de polìmer e gh’hànn di valór de conduttività tèrmica estrèmmamént bass. L'aplicazión del poliuretán spandùd la pò vèss efettuada con di divèrsi sistèma: a se pòden doperà i pannèj tajà e formàa prima, oppùr a se ghe pò dà su el poliuretán a fà ona colada (in di spazzi de mèzz) oppùr anmò a sbroff. I fasi de aplicazión hinn assosènn delicàa o on aplicatór el gh’hà de frequentàa on "cors per aplicatór" inscì de evità di errór CHE 'N condiziónenn assosènn la rièssida de l'isolamènt tèrmich in del cors del témp. L’aplicatór el gh’hà ancasì de fornì el certificàa de la conformità ai nòrm sora la qualità. El poliuretán spandùu, al fin de mantegnìnn i caratteristich e la durada in del cors del temp, el gh’hà de vèss proteggiùu con l’aplicàgh ona protezión de poliurea-ibrida elastomerica, comunque dada su a sbroff. A l’è opportùn nòtà che la protezión del poliuretán spandùu cont el doperà la Poliurea-Ibrida e minga la Poliurea "pura" la sìa essenziál. In effètt l'ìbrid de bòna qualità el par de vèss pussée resistènt mèj ai agént atmosferich. La protezión elastomerica l’èvita el scambi con l'aria del contegnùu gazós del poliuretán spandùu e donca la pèrdita percentuál di proprietà de isolamént tèrmich, oltra che l’inveggiamént a la svèlta.

El dà su i vernìs o di àlter prodòtt de protég el poliuretán el compòrta nissùn effèt in su la durada e la protezión.

Polistirene
El se presenta in dò form:
- Polistirene spandùu (EPS)
  Quèll de sòlit doperàa per l’isolamént perimetrál, el mes'cià cont el mes’cià el gass comprèss insèma al polistirene fondùu e poeu cont el reffreggià a la svèlta la mes’ciada.
- Polistirene estruso (XPS)
  El sopòrta di pression specifegh pussée alt e l’ adàtt per i zòn ùmed.

Origin animal

Lana de pégora

Tabella riassuntiva

Material	λ [W/(m•K)]	Densità [kg/m³]
Fibra de cellulosa	0,038	30-65
Lana de veder	0,045-0,032	8-100
Sighignoeul de palud	0,044-0,055
Veder cellulár	0,038 - 0,050	105 - 165
Sugher Tostàa	0,0375	108 - 120
Silicàa de salcio	0,06	250

Edilizia

Per savenn pussee, varda l'articol Isolant tèrmico in edilizia.

L'isolamént tèrmich in edilizia el permètt de tajà foeura termicamént el de denter d'on edifizzi rispètt al de foeura grazie a la resistenza tèrmica d'on materiál. I vari tècnich de progètt dipénden del materiál isolánt doperàa a segond che cheeschì el sìa miss vèrs el de denter, ind on spazzi de mèzz o vèrs el de foeura.

Intèrno

A ghe dìsen intèrno a ‘n isolamènt tèrmich quand che ‘l materiál isolánt el ven miss de denter rispètt al strat de suppòrt. Quèsta tècnica chì la ven doprada soratùtt in di edifizzi ch’ i esisten giamò, quand che 'l risulta diffìcil a trovà di soluzión pussée sempliz e la gh'hà el problèma del ris'c de condensa denter in del mur elevàa, del quàl se pò vegni foeura grazie a 'n spazzi de mèzz. I tipi principàj hinn:

Isolant in sul strat de suppòrt: quand che el materiál isolánt el se fissa direttamént in su la muradura, con la còlla o con di tassèj. L’è de consilià l’utilizzazión d’on materiál che ‘l lassa passà el vapór de manera che ‘l vapór medésim el vegna minga bloccàa e ‘l crea nò in su la superfice la condensa cont el ris'c che la vaga a inzà i caratteristich del materiál.
Isolánt in su la struttùra de sostègn: se fa ‘na struttura de sostègn in montànt slontanda d’on quàj centìmeter del strat de sostègn che ‘l gh’hà de vèss rìgid.

Spazzi de mèzz

A l ‘è la soluzión segónd la quàl a gh’è du strati de suppòrt separàa d’ona camera d’aria che la pò vèss piena, mèzza piena o voeuda. Segónd quèlla soluzión chì de sora maròss a l’isolamènt dovùu al materiál isolánt el ghe se gionta anca quèll di strat de suppòrt e/o de la càmera d’aria (a l’è la soluzión pussèe doperada perché l’è men cara e invadenta); de là de ‘vègh on bon isolamént tèrmich la mena anca on bon isolamènt acustich. El spessór de la parèd l’è superiór rispètt ai àlter tipi. I esisten dò tècnich de realizzazión principàj, voeuna che la voeur che se doperen dò strat de suppòrt conligàa tucc e du a la struttura portanta, l’altra che la voeur che ghe sìa on strat de suppòrt ligà insèma a la struttura del mur intanta che l’alter strat de mur, pussèe suttìl, el ven rinforzàa con di elemént conligàa al primm mur.

Estèrno

Per savenn pussee, varda l'articol Isolament a paltò.

L'isolament de foeura, ciamàa "isolamento a paltò", l’è tal che ‘l materiál isolánt el vegna miss foeura del strat de suppòrt e proteggiùu per mèzz d’on rivestimént, che ‘l po’ vèss ona molta, oppur on strat pussée pregiàa. La pupàrt di perìcol l’è dovuda a la possibilità de infiltrazion de acqua che la podarìss andà a occupà i incàv de l’isolánt de manera de limitànn i sò proprietà isoánt. I pannèj i pòden vèss taccàa in su la paréd per mèzz de l’utilizzazión de còll o de tassèj o de tucc e du.

Vos correlad