Isabella Leonarda

De Wikipedia
Lombard Quest articol chì l'è scrivud in lombard, con la Noeuva Ortografia Lombarda
L'Isabella Leonarda in de la pianta genealogega de la familia

L'Isabella Leonarda[1] (Novara, 6 setember 1620 - 25 febrar 1704) a l'è stada una composidora, monega e poeta italiana, figura importanta de la musega baroca. El so nom civil a l'era Isabella Calegari, l'è anca cognossuda con el soranom italian de "la musa novarese".

Biografia[Modifega | modifica 'l sorgent]

Fioeula del cont Giannantonio Leonardi e de l'Apollonia Sala, a l'età de sedes agn la vegn monega, in del 1693, al Convent de S. Orsola de Novara, indova che l'è Superiora almanca del 1686 e Mader vicaria del 1693. L'è probabilment alleva del maester de capella del Dom de Novara, el Gasparo Casati (1610–1641), che el publega per lee la so prima catada de musega in del 1640. L'è considerada la prima dona a havé publegad sonade per 1, 2, 3 e 4 strument. In di so oeuvre a l'è despess dovrad el motet per vos solista, con orghen e, di voeulte, olter strument.

Oeuvre[Modifega | modifica 'l sorgent]

La soa produzzion l'è stada publegada de lee in 20 collezzion in tra 'l 1665 e 'l 1700 e la gh'ha pussee de 200 lavorà: 122 Motet, 18 Concert sacher, 12 Sonade a 1, 2, 3, e 4 strument, 17 Messe e 11 Salm concertad. Di test che compagnen i so museghe inn forsi stad scrivud de lee.

Note[Modifega | modifica 'l sorgent]

  1. Di voeulte anca citada 'me Isabella Leonardi

Bibliografia[Modifega | modifica 'l sorgent]

  • Companion to Baroque Music, J. A. Sadie, J.M. Dent & Sons Ltd, London
  • Enciclopedia della musica, Ricordi, Milan
  • The New Grove Dictionary of Music and Musicians, S. Sadie, Volume Nine
  • Dizionario enciclopedico universale della musica e dei musicisti, in Le biografie, III, Turin

Alter proget[Modifega | modifica 'l sorgent]