Irregolarità de la salinità

Quest articol chì l'è scrivuu in lombard, grafia milanesa.

Con irregolarità de la salinità se voeur indicà el fenòmen de la sbassada de la concentrazion del sal in del’oceano caosàa del sciogliment di giazzee polar. El fenòmen l’è important perché l’è bon de fermà el meccanismo di corrent marin che vegnen di zòn pussée cald e van vèrs i pòlo. De nòrma l’acqua di corrent marin quand che la riva arent a i pòlo la va giò in profondità, ma se ai pòli gh’è ‘na concetrazion del sal foeora de regola, e in del caso specifich tròppa bassa, quèsta chì l’è pussée leggera e la tend a stà in superficie per la spinta idrostatica, de conseguenza la corrent marina la pò nò bissàss e la se ferma, o comunqua la va men in prèssa. De nòrma inveci i corrent che van vèrs el pòlo vegnen semper pussée salàd perché la concetrazion del sal l’aumenta intanta che vann innanz per via del svaporament de l’acqua (ma minga del sal che gh’è denter). De sorapù, se l’acqua la congela, el sal va a finì ind l’acqua che la gh’è intorna nanamò giazzada, inscì la concentrazion del sal la va anmò pussée su. Quand che la concnetrazion l’è alta assée l’acqua de la corrent l’è tròppa pesanta e la se bissa in del’oceano.

El caso de l'irregolarità de la salinità de la fin di ann 1960

Intorna de la fin di ann 1960 a l’è succedùu che ‘n’enòrme quantità de acqua pòch salada l’è restada per divèrsi mes ferma in del’Atlantich settentrional, tant de fa andà men in prèssa la corrent del gòlfo vèrs l’Euròpa. In di ann adrèe a gh’è stàa di invèrnà frègg foeura de nòrma tant che on quaj scienziaa el s’è miss adrée a pensàa che la fudèss ‘drée a rivà ‘na noeuva era glacial.

Vos correlaa

• Circolazion termoalina
• Effètt sèrra