Ippolita Maria Sforza
L'Ippolita Maria Sforza (Peser, 18 de april 1445 - Napoli, 20 de april 1484) a l'è stada 'na nobildonna fioeula del Franzesch Sforza e de la Bianca Maria Vescont, deventada Duchessa de Calabria per el matrimoni cont l'Alfons II de Aragona, ma a l'è morta prima de deventà Regina de Napoli. El sò fioeu Ferdinand l'è deventaa poeu Re e la fioeula Isabella la s'è maridada cont el Gian Galeazz Maria Sforza e l'è deventada duchessa de Milan e de Bari, menter 'l fioeu Peder a l'è deventaa prenzip de Rossan.