Isabella d’Aragona

Quest articol chì l'è scrivud in lombard, con la Noeuva Ortografia Lombarda

Litrat de l’Isabella d’Aragona

L’Isabella d’Aragona (2 de occiover del 1470 – 11 de fevrer del 1524) la fu duchessa de Milan grazzia al sò mariozz cont el Sgiovann Galeazz Sforza.

L’era vuna di member del ram napoletan de Cà Trastamara, e la sò vita l’è staita caratarizada de la cris di Guerre taliane, e despess la se trovava in mez ai dinameghe del Regn de Napoli e quelle del Ducad de Milan, un lavor che el gh’ha causad un bell poo de dificoltaa politeghe e personai. El sò mariozz a l’è stait una desgrazzia, desgià che el sò hom l’era sovenz in bega cont el barba Lodovigh, che el j’haveva casciad a viver al Castell de Pavia e el se refudava de lassàgh sgiò el podé de ministrà el ducad de Milan al nevod. Perzò, l’Isabella a Milan no la gh’haveva tancc sostegnidor, situazzion che l’è nomà pesgiorada quand che gh’è mort el marid, provabilment invelenid sgiò del Lodovigh el Nigher medem.

A la fin l’ha fait sanmartin a Bari, indova l’è vegnuda duchessa de la zitaa. El mudament de sit el l’ha menada a descovrì di nœuve oportunitaa, e l’ha trait in pee una sò cort per havégh sostegn e segurezza per defendes di guerre. Quelle reforme chì, insema al sò interess per l’art e la literadura, hann menad Bari a viver un period de grandœur piscinin. In quell moment chì, la s’è ancasì fogalizada sora l’instruzzion de la Bona Sforza, la sò tosa che de granda l’è deventada resgina de Polonia.

Ligam de denter

• Sgiovann Galeazz Sforza
• Beatris d’Est

Ligam de fœura

Altri progetti

• Wikiquote
• Wikimedia Commons

• Wikiquote el gh'ha dent citazzion de o su Isabella d’Aragona
• Wikimedia Commons el gh'ha dent imagin o alter archivi su Isabella d’Aragona