Và al contegnud

Intolleranza al latosi

De Wikipedia
Lombard Quest articol chì l'è scrivud in lombard, con la Noeuva Ortografia Lombarda
Prevalenza de l'intolleranza al latosi

L'intolleranza al latosi a l'è la condizzion, che la toca la pupart di omen, indova che dopo de havé ciapad el latosi gh'è di problema a nivell gastro-intestinal, dovud al calà de l'enzima latasi, che l'è bon de partì el latosi in di zucher che le fann su, o ben el glucosi e 'l galatosi: el latosi, intregh, donca 'l riva a l'intestin gross indova che l'è mangiad di bateri, che in del fàll produsen di gas e ciapen de l'aqua, roba che la mena despess a la cagheta o comunque al scorensgià tant e in manera che la da fastidi.

A bon cunt a l'è la normalità di mamifer e de l'om, a l'è stada una mudazzion genetega a dàgh la persistenza de la latasi a ona quai popolazzion, che donca la resta anca quand che vun a l'è vegnud grand e 'l bev pù el lacc de la mam.

A l'è men spantegada in di popolazzion de origin europea, soratut quelle nordeghe e alpine. In di colture indova che l'è normal doperà el lacc s'inn spantegade di alter soluzzion compagne dei lacc senza latosi opura el ciapà la latasi 'me pinola per compensà. In di colture indova che inn poch a havégh la latasi inveci el lacc a l'è mangiad in forme indova che 'l latosi el va via, per esempi in di formai e in di robe fermentade.

Riferiment[Modifega | modifica 'l sorgent]

Alter proget[Modifega | modifica 'l sorgent]

Vos corelade[Modifega | modifica 'l sorgent]