Interrutor diferenzial

De Wikipedia
Lombard Quest articol chì l'è scrivud in lombard, con la Noeuva Ortografia Lombarda
Esempi de diferenzial che l'è anca bon de smorzàss se gh'è sora-corrent

Un interrutor diferenzial a l'è un sistema che l'è bon de dervì un circuit eletrigh quand che 'l rileva che gh'è una corrent che la torna a terra inveci che per el neuter. 'Sto sistema chi a l'è bon de schivà vari infortuni dovud a la corrent, anca se minga tucc, desgià che se po comunque ciapà 'na bella scossa prima che 'l se ferma e se vun el toca i du condutor el fonziona no.

In la pupart de l'Europa ogni impiant el gh'ha de vesser protegiud cont un interrutor che 'l derva el circuit cont una corrent residual de 30 mA, in Nord America inveci a l'è mitud domà in di bagn, in cusina o in di sit indova che l'è pussee probabel havégh i man bagnade e ciapà la scossa, de solet cont una corrent in tra i 5 e i 10 mA. In India l'è obligatori sia a nivell general, con 100 mA de corrent, e de 10 mA indova che gh'è bagnad, menter che 'l deventa de 30 mA indova che se doperen di arnes a man.

Riferiment[Modifega | modifica 'l sorgent]

Alter proget[Modifega | modifica 'l sorgent]

Vos corelade[Modifega | modifica 'l sorgent]