Incident ferroviari de Robilante
.jpg)
El 24 de magg 1985 a Robilante, intorna ai 10:26, a gh'è staa 'n incident ferroviari in tra dò automotris FS ALn 663 che l'ha menaa a 5 mort e circa 50 ferii.
Dinàmica
[Modifega | modifica 'l sorgent]La mattina del 24 de magg 1985 la motris ALn 663.1165 l'èra dree fà 'na corsa proeuva in tra Savigliano e Limone Piemonte per provà on noeuv sistema de cambi automatich.
La motris la riva a la stazion de Robilante in ritard de 20 menut, quand che per la tabella de marcia la gh'eva de trovàss giamò a Vernante, ses chilòmeter pussee innanz per Ventimiglia.
El macchinista de la corsa proeuva el decid donca de respettà no la tabella de marcia, che la prevedeva de incrosà el treno local 12206, faa de la ALn 663.1159, e 'l partiss.
El personal de la stazion, quand che 'l nota l'error, el proeuva a fermà i treni e 'l vice capostazion Piero Giordano el se lanzia cont la soa macchina a inseguì la motris e sonà el clacson, in la speranza de fàss notà e de fermà la motris.
L'è staa inutil degià che ai 10:36 i treni se s'centren, e fann quatter mort subit, vun dopo e circa 50 ferii. Gh'è staa dò condann e i Ferrovij del Stat gh'han avuu de risarcì circa 900 milion de lire.
Mort
[Modifega | modifica 'l sorgent]In tra i occupant del local 12206 a hinn mort:
- Mario Nebbiolo, 48 agn de Cuni (macchinista);
- Attilio Bertaina, 36 agn, de Vernante (capotreno).
In tra i occupant de la motris in proeuva:
- Vittorugo Basurini, 38 agn de Bergom, tecnegh de la Elettromeccanica Parizzi;
- Biagio Ferrari, 30 agn, de Avezzano, jutt macchinista;
- Alessandro Vacchetti, 29 agn de Turin, ingegnee collaudator