Hans Conrad Schumann

De Wikipedia
Va a: navegá, truvá
Lumbard ucidental Quest articol chì l'è scrivuu in lombard, grafia milanesa.
La soa fuga

L'Hans Conrad Schumann (Zschochau, 28 de marz del 1942 - Kipfenberg, 20 de giugn del 1998) l'è staa on soldaa todesch de l'Est, famos per vess scappaa dal sò paes intant che i eren in cors i lavor per el Mur de Berlin in del 1961.

Prim agn[Mudifega | mudìfica 'l sorgènt]

Nassuu a Zschochau in piena guerra mondiala, 'l entra in de la Bereitschaftspolizei, la polizia de la DDR, despoeu el sò 18m compleann. El vegn mandaa 'me volontari a Berlin.

Defezzion[Mudifega | mudìfica 'l sorgènt]

El 15 de agost del 1961 el vegn mandaa de guardia al Mur de Berlin, el 3z dì de costruzzion. In quel temp l'unega division l'era on tocch de fil spinaa. Da l'oltra banda gh'eren i gent de Berlin Ovest che ghe diseven "Vegn chì" e ona macchina de la Polizia che 'l specciava. A la fin el Schumann l'ha saltaa el fil con la soa PPSh-41 e l'è staa portaa via subit da la Polizia de Berlin Ovest. El fotograf todesch Peter Leibing l'ha fotografaa la fuga, e la foto l'è vegnuda on simbol de la Guerra Fregia. Schumann poeu l'è 'ndaa a viv in Baviera.

Dopo[Mudifega | mudìfica 'l sorgènt]

Mauerstreifen Schumann Berlin.jpg

Quand che 'l Mur de Berlin l'è borlaa giò lu l'ha dii che "Domà el 9 de november del 1989 me son sentii debon liber". L'è restaa in Bavaria, che oramai el considerava 'me la soa cà. El s'è coppà el 20 de giugn del 1998 in d'on arbor arent a la soa abitazion.

Vos correlaa[Mudifega | mudìfica 'l sorgènt]