Grand Cisma d'Orient

De Wikipedia
Jump to navigation Jump to search
Quell articol qì l'è scrivud in Lombard, ortografia SL.
Mapa de la division

Ol Grand Cisma (ciamad d'Orient per destinguir-l de qell d'Ocident) l'è stait la division relijosa de la cristianitaa intra la Ciexa Catolega (de rit latin) e qella Ortodossa (de rit grec). L'è cognossid come Cisma dei Latin o d'Ocident dei Ortodoss, e come Cisma del 1054 dei storeg.

La desbœta (principalment in sul filioque e sul Primad papal in sui olter vescov) l'era adoma una dei tante ind el cors dei agn, tant qe per la jent del temp l'è miga stait un event insé significativ. L'at final l'è stait quand qe delegads de Papa Lion III i ha scomunicads in Santa Sofia ol Miqel I Cerulari, Patriarc de Costantinopoli, ol 15 de lui del 1054.

La conquista de Costantinopoli ind la IV Croxada e la creazion de l'Imper Latin d'Orient l'ha ricomponid manu militari ol Cisma per una qualc agn, ma a la longa l'ha prefondid anc'mò de plu la division.

Un olter tentativ l'è stait fait cond el Concili de Firenz, ma l'union formala dei Ciexe proclamada de l'Imperador Costantin XI (per circar de salvar l'Imper dei Otomagn) l'è miga durada.

L'è adoma ind el XIX secol qe l'è recomençad un dialog (qe al va inants anca al dé d'incœ) qe l'ha portad i Ciexe a ritornar un poo plu aprœv.

Riferiments[Mudifega | mudìfica 'l sorgènt]