Giurament de Pontida
El Giurament de Pontida la saria stada ona zerimonia che l'avaria stabilii ona leanza in tra cinch comun de la Lombardia: Ferrara, Lod, Milan, Parma e Piasenza. El giurament, faa el 7 de april del 1167 in la Badia del paesin de Pontida (Val San Martin), el prevedeva che i comun member avarien combattuu contra l'imperador Federigh Barbarossa. La leanza nassuda de 'sto giurament al dì d'incoeu l'è cognossuda 'me Liga Lombarda, anca se al temp l'era ciamada Societas Lombardorum. Gh'è de dì che però al dì d'incoeu gh'è nissuna proeuva che ghe sia staa 'sto giurament. La soa fama l'è scominciada a cress in del Vottcent, ai temp del Romanticism; inscambi, in su la fin del XX secol el mito del giurament l'è staa ciappaa 'me vun di simboi de la Lega Nord.