Giulio Andreotti

De Wikipedia
Va a: navegá, truvá
Lumbard ucidental Quest articol chì l'è scrivuu in lombard, grafia milanesa.
L'Andreotti insema al president american Jimmy Carter (1977)

El Giulio Andreotti (Roma, 14 de genar del 1919 - 5 de magg del 2013) a l'è staa on politegh italian.
L'è staa vun di protagonista de la politega italiana de la fin de la Segonda Guerra Mondial fina al princippi di Agn Novanta. L'è staa vun di esponent pussee important de la Democrazia Cristiana, e l'è semper staa in Parlament del 1948 fina al 2013. Già che però l'è staa anca vun di costituent, podom dì che l'è staa in Parlament giamò del 1946.
L'Andreotti l'è staa primm minister per sett voeult (l'ultema l'è stada in del 1991) e minister de governi on monton de alter voeult. In del 1991 l'è staa nominaa senator a vita.
Già che l'è semper staa al poder, l'è staa al center de quasi tucc i aveniment pussee misterios e minga ciar de la "Prima Republega"; quell lavorà chì el gh'ha portaa a lù on mucc de acus e de sospett, e l'è staa anca processaa per i sò raport con la mafia.