Giudaism rabinegh
|
Quest articol chì l'è scrivud in lombard, con la Noeuva Ortografia Lombarda |
El giudaism rabinegh a l'è la forma de giudaism che l'è vegnuda foeura dopo che 'l Segond Tempi l'è stad destrugad e che l'è deventada la forma standard del giudaism a partì del secol quell de ses, dopo che l'è stad mitud sgiò el Talmud babilones. Originari del giudaism che faseven i farisee, l'è deventada la forma pussee seguida de la diaspora ebraiga in tra i secoi quei de II e VI, quand che l'ha menad i vegge forme de giudaism a descomparì.
El se fonda, desgià che 'l cala el tempi indova fà i sacrifizzi, in sul studi de la Torah e de la lesg, oltra a l'orazzion comuna in di sinagoghe. Per el giudaism rabinegh el Mosè el gh'ha havud in sul Mont Sinai del Signor i tavole de la lesg, oltra a 'na rivelazzion de la lesg oral, tirada inanz a vos di sgiudee.
Per di studios de la religion el borlà del tempi a l'è stad l'event che l'ha fad finì el giudaism veggia manera e l'ha menad al nasser de du religion noeuve: quella giudaica rabinega, che l'ha sostituid el tempi cont el studi, e quella cristiana, che 'l l'ha sostituid cont el sacrifizzi del Gesù. Quella vision chi comunque l'è refudada di sgiudee ortodoss, che disen che la soa religion la va inanz del temp del prim rabin, o ben el Mosè.
Riferiment
[Modifega | modifica 'l sorgent]Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Giudaism rabinegh
