Giovan Batista Fugazza

De Wikipedia
Salta a la navigazzion Và a cercà
Lombard Quest articol chì l'è scrivud in lombard, con la Noeuva Ortografia Lombarda

El Giovan Batista Fugazza (XVIII secol-XIX secol) a l'è stad un poeta lombard. El se sa debon poch de la soa vita, foeura che l'era un cerusegh che 'l viveva a Lod e 'l lavorava a l'Ospedal de Lod. L'è regordad perchè do so poesie inn stad doperad del Bernardino Biondelli in del so Sagg di Dialet Gallo-Italegh.

Saggio sui dialetti gallo italici p. 144


Ciapéll su in brazz, tiréghe giò i calzon,

alzégh su la bolletta, e féll settà
su 'na pigna de rusche de melon,
che quest a l'è 'l Parnas che a lu ghe va.

Quattéghe el coo de fœuje de zucon,
che 'sta verdura a lu la se confà;
e per cetra al poeta ciollatton
déghe in man el braghee de nonobià.

Fee pœu, che i birichin vegnen via,
con cucumeri marzi, ongin de bò,
pettazz de zuca, e ogni altra porcaria;

féghi trà in del mostazz, e vosee: viò,
e disìghe: a infamà la poesia
asnon mazengh, ghe tornareet anmò?
...

—Contro un cattivo poeta


Bibliografia[Modifega | modifica 'l sorgent]

  • Region Lombardìa - Antologia della poesia nelle lingue e nei dialetti lombardi

Interprogèt[Modifega | modifica 'l sorgent]