Gins

De Wikipedia
Va a: navegá, truvá
Lumbard ucidental Quest articol chì l'è scrivuu in lombard, grafia milanesa.
On para de gins

El gins (o in ingles jeans) a l'è on tipo de colzon faa cont on material de coton pesant e fort ciamaa denim. El gins original el gh'ha di rivet de ramm putost che de metal, el botton central de metal, on taj a cinch saccòcc (i duu de dree a hinn cusii sora la stòffa del còrp di colzon), e l'etichetta, ciamada "salpa", mettuda in de la part de dree in alt a dritta.

El gins a l'è staa inventaa dal sart Jacob Davis in del 1871 per vess brevetaa cont el Levi Strauss el 20 de magg 1873. I march stòregh e cont el pussee alt numer de vendit a hinn Levi's de l'azienda Levi Strauss & Co., Lee e Wrangler tucc e dò de la Vf Corporation.

Origen del nòmm[Mudifega | mudìfica 'l sorgènt]

La paròlla "gins" in lombard la riva da la paròlla inglesa jeans che, a sò vòlta, la riva da Jeane o Jannes, che a l'è l'antigh nòmm frances per Genova[1], o da la parnonzia inglesa de Gênes, el termen che i frances dovren incoeu per ciamà la cittaa ligurina. In ingles, el termen a l'è domà plural.

Stòria[Mudifega | mudìfica 'l sorgènt]

Ona vòlta, in tucc el mond antigh, a l'era abituden dà ai tessuu el nòmm del loeugh de produzzion, e Jeane a l'era el nòmm scrivuu sora tant caregh de fustagn che, a partì dal cincent, rivaven a Londra da la republega marinara da Genova (che a quel temp a l'era dree a viv el sò pussee grand splendor) e, inscì, quel nòmm chì a l'è deventaa el nòmm de quella tela chì, stimada comè in del mercaa ingles per la sò robustessa e 'l sò cost. Quel tessuu chì a l'era anca dovraa assee a partì dal secol XVI da la marina genovesa per equipaggià i nav a vela e per vestì i marinar.

Tant stòff genoves che l'Enrigh VIII gh'aveva a hinn staa classifegaa, apos la sò mòrt, comè Jeane, cont on riferiment precis al loeugh d'origen e de fabricazzion; a eren soratucc vari tipp de velù, ma anca alter tipp de tessuu. In de l'ambient del comerc e di afar, l'espression merchant of Jeane (mercant de Genova) a l'è vegnuda foeura in vari document, comè ona còpia del contratt del 15 de giugn 1580 per l'acquist del Great Garden del Benedett Spinola, merchant of Jeane, da part del cont de Oxford.

I gins in de l'Union Sovietega[Mudifega | mudìfica 'l sorgènt]

In de l'URSS, i gins a eren el simbol de la manera ocidentala de viv. La "fever di gins" a l'è scominciada in del 1957, inquand a gh'era el "Festival mondial de la gioventù e di student"[2]. Segond on dizzionari tessil in lengua russa, el termen gins a l'era indicaa comè la "divisa di lavorador" (рабочий костюм, rabochii kostyum)[3].

La marca de gins Rokotov e Fainberg a l'è stada ciamada comè i intaccaa del cas Rokotov–Faibishenko, che a hinn staa condannà a mòrt per, intra i alter ròbb, avè traffegà de sfros i gins[2].

Produzzion industriala[Mudifega | mudìfica 'l sorgènt]

Nòt[Mudifega | mudìfica 'l sorgènt]

  1. (EN) Online Etymology Dictionary
  2. 2,0 2,1 Rudevich, Alexei. Worth going to prison for: Getting hold of jeans in the USSR. Russia Beyond the Headlines, 16 September 2014. Accessed on 16 November 2014.
  3. Rabinowitch, Z.E. (1961). English-Russian Textile Dictionary, Second Edition, Revised and Englarged, Central Editorial Board, Foreign-Language Scientific and Technical Dictionaries, Fizmatgiz. , p. 247.

Riferiment letterarï[Mudifega | mudìfica 'l sorgènt]

  • Marzia Cataldi Gallo, Tessuti genovesi del Seicento, Tormena, 1994 ISBN 9788886017213
  • Marzia Cataldi Gallo, Tessuti genovesi: seta, cotone stampato e jeans, in Storia della cultura ligure, a cura di Dino Puncuh, "Atti della Società Ligure di Storia Patria", n.s., XLIV, in quattro volumi, Genova, fascicolo 2, 2004, pp. 297–334.
  • Marzia Cataldi Gallo, Passione in blu, I teli con storie della Passione del XVI secolo a Genova, De Ferrari, 2008 ISBN 9788871729480

Ligamm de foeura[Mudifega | mudìfica 'l sorgènt]