Giand tubaregh

De Wikipedia
Lombard Quest articol chì l'è scrivud in lombard, con la Noeuva Ortografia Lombarda

I giand tubaregh a inn un par de giand salivar che se troeuven in l'om in tra el nas e la gora, pussee de precis in la nasofaringg, in di mur laterai, soraponud ai Torus tubarius.

Inn stad descovert di medegh olandes del Istitut Olandes del Cancher in l'otober 2020, cont el doperà de la PET-CT.

Descoverta[Modifega | modifica 'l sorgent]

Inn stad descovert de l'oncolegh radioterapista Wouter Vogel menter l'éra dree a fà di esam per studià el cancher de la prostata.

A l'era dree a doperà una tecnega per rilevà i celul in di giand salivar fondada in su 'n traciador radioativ ligad a di recetor che de solit inn domà in la prostata ma inn stad descovert anca in di giand salivar.

In del fàl, lu e i so colega hann trovad un segnal anomal in d'una zona de la nasofaringg, che studiada pussee l'ha permitud de descovrì 'sti giand noeuv.

Riferiment[Modifega | modifica 'l sorgent]

Bibliografia[Modifega | modifica 'l sorgent]

  • Valstar, Matthijs H.; de Bakker, Bernadette S.; Steenbakkers, Roel J.H.M.; de Jong, Kees H.; Smit, Laura A.; Klein Nulent, Thomas J.W.; van Es, Robert J.J.; Hofland, Ingrid et al. (2020). «The tubarial salivary glands: A potential new organ at risk for radiotherapy». Radiotherapy and Oncology (in ingles): S0167814020308094. doi:10.1016/j.radonc.2020.09.034.