Giüdee Capitel Trii
|
|
Quel articul chì l'è scrivüü in Lumbard, cun l'urtugrafia insübrica ünificada. |
Giüdee
[Modifega | modifica 'l sorgent]La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.
Capitel Trii
[Modifega | modifica 'l sorgent]1De due, fradèj sant, culegh d'una ciamada celestiala, avii vardaa[1] l'apostul e sacerdott scèff de la nostra prufessiún, Gesü, 2essend fedel a Lü che 'l ghe fa cumè anca Musé in de la sua cà. 3Già che lü l'ha cunsideraa degn de püssee gloria vèrs Musè, segund quant lü che 'l ghe fa sü gh'ha püssee unúr de la cà (medema); 4già che ogni cà l'è faa sü de quajdün, ma lü che 'l fa sü tüsscoss l'è Diu. 5Menter anca Musè l'era fedel in de tüta la sua cà cumè un sèrv a la testimunianza de quij coss che sarànn dii 6Crist cumè un fiöö sura la sua cà, la cà del qual nümm sèmm, se tegnum sald a la vémpa[2] e 'l vant de la fed.
7L'è inscì che propi cumè 'l Spirit Sant el dis,
«Incöö, se sentii la sua vus,
8Fee no dür el voster cör
cumè in de la rivolta
segund el dì de la pröva
in del desert
9due i voster pader pruveven in del mètt a la pröva
e vedeven i mè oper per quaranta agn;
10L'è inscì che mì eri rabiaa cun chèsta generaziún
e huu dii: Semper hinn imbrujaa in del cör,
e lur hann minga cugnussüü i mè vi,
11cumè huu giüraa in de la mia ràbia:
Andarànn no denter al mè requià».
12Vardee, fradèj, perchè sarà no in de quajdün de vialter un cör malign d'infedeltaa, che 'l se retira via del Diu vivent, 13ma esurtees ogni dì, el vün l'alter, intanta che l'è ciamaa Incöö, perchè nigün de vialter sia minga faa dür del scocch del pecaa--14già che hèmm devegnüü i cumpagn de Crist, se dumà se tegnum sald al prenzipi segür del fundamént fin a la fin--15in del vèss dii:
«Incöö, se sentii la sua vus,
Fee no dür el voster cör
cumè in de la rivolta».
16Già che quij che hann sentii hann inzigaa? Ma no tücc quij che hinn naa föra de Egitt per Musè? 17E cun chi l'era rabiaa Lü per quaranta agn? No a quij che hann pecaa, i corp di quij hann burlaa giò in del desert? 18E a chi l'ha giüraa Lü che lur andassen no denter in del sò requià, se no lur che refüdeven d'übedì? 19E vardum che pudeven minga nà denter per via de l'infedeltaa.