Giüdee Capitel Trides

Quel articul chì l'è scrivüü in Lumbard, cun l'urtugrafia insübrica ünificada.

Giüdee

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

Capitel Trides

¹El bén di fradèj el restarìa. ²Desmenteghee minga el bén a i furestee, già che per mèzz de chèst quij hann minga savüü che hann daa logg a i angiul. ³Regurdeev di presunee cumè legaa insèma, e de quij che hinn strapenaa cumè anca vialter medemm sii in del corp.
⁴El matrimoni el sarìa preziús in de tücc, e 'l lètt el sarìa sénza smagia, già che Diu el giüdegarà i furnegadúr e i adültér.
⁵La manéra l'è sénza 'l bén de danee, cuntént cunt i coss che gh'hinn present. Già che Lü l'ha dii: «Te lassaruu no, e te bandunaruu no», ⁶dunca, gh'èmm cunfidénza de dì:
«El Signúr l'è 'l mè aiütt,
gh'avaruu minga pagüra,
che cossa el me farà un vèss üman?».
⁷Regurdeev quij che ve menen, quij v'hann dii la parola de Diu; e vardand el resültaa de la lur cundota, imitee la lur féd.
⁸Gesü Crist l'è 'l medemm iér, incöö e per semper. ⁹Purtee no innanz de insegnamént vari e balénch: già che l'è bén che per la grazia el sia faa sald el cör, e minga per i paciatori, in de quij lur che caminen hinn minga staa faa bén. ¹⁰Gh'èmm un altar del qual quij che serven a la tènda gh'hann minga diritt de mangià. ¹¹Già che el sangh di animaj l'è purtaa denter per el pecaa in di lögh sant per mèzz del sacerdott scèff, i corp de chèst hinn brüsaa sü föra del camp. ¹²Dunca, anca Gesü, per fà sant el popul per mèzz del sò propi sangh, l'ha patii föra de la porta. ¹³Per via de chèst, vegnarìum föra a lü, föra del camp, purtand la sua sarada: ¹⁴già che gh'èmm no scià una citaa che la resta, ma cercum chèla che l'è dree a vegnì. ¹⁵Per mèzz de lü ufrarìum per semper un sacrifizi de lod a Diu, che l'è 'l frütt di laver che cunfessen el sò nomm. ¹⁶E desmenteghee minga el fà bén e la fradelanza; già che Diu el ciapa piasè de tant sacrifizi.
¹⁷Vialter sarìuv persuas de quij che ve menen, e cedii, già che lur tegnen descantaa per i voster anemm cumè quij che darànn cunt, perchè cun letizia faghen chèst e lamentand, già che chèst el ve da minga prufitt.
¹⁸Preghee per nümm: già che sèmm persuas che gh'èmm una bona cusciénza in de tüsscoss, desiderand de cumpurtamm bén. ¹⁹E anmò de pü v'esurti a fà chèst, perchè mì ve sia daa indree sveltamént.
²⁰E 'l Diu de la pas, che l'ha purtaa sü di mort el grand pastúr di pegúr in del sangh d'un acordi etèrn, el noster Signúr Gesü, ²¹el ve farìa perfètt in d'ogni bona cossa per fà la sua vuluntaa, fasend intra nümm chèll che l'è piasevul denanz de Lü per mèzz de Gesü Crist, al qual la sarìa la gloria in di secuj di secuj. Amen.
²²E v'esurti, fradèj, supurtee la parola d'esurtaziún, già che anca v'huu scritt curtamént. ²³Cugnussii el noster fradèll Timutee, che l'è staa liberaa, cunt el qual se 'l ven sveltamént, ve vedaruu.
²⁴Salüdee tücc quij che ve menen e tücc i sant. Quij che hinn d'Italia ve salüden. ²⁵La sia la grazia cun tücc vialter.

Navigaziun

• ← Indree a Capitel Dundes
• Inanz a Giagum Capitel Vün →
• A l'indes