Gesa de San Lissander (Paladina)
|
Quest articol chì l'è scrivud in lombard, con la Noeuva Ortografia Lombarda |
La gesa de San Lissander a l'è la gesa parochiala de Paladina, in provincia e diocesi de Berghem. Dedicada ofizzialment anca al Gervas e al Protas oltra che al Lissander, la depend del vicariad Almenn-Pontranga-Villa d'Almè e l'è in tra i gese pussee vegge del territori bergamasch.
In di facc, a l'è tirada a man in su 'n at del 856 del Guala, in del 1360 la nota ecclesiarum del Bernabò Vescont la tira ancamò a man in del definì i tasse dovude ai Vescont e a la gesa romana, ma ghe la intitolen ofizzialment al Lissander domà el 18 de otover del 1545 del Vitor Soranz, vicari del vescov Peder Bemb che a Berghem l'ha mai mitud pè. La sarà fada parochia in del 1586.
In del 1781 se scerniss de fà su un noeuv edifizzi, in su proget del Giovann Mairon de Pont, e l'è mituda la prima preja el 3 de avost: l'è fornida in del 1791 e l'è consacrada ancamò del Adriano Bernareggi, che ghe dona di reliquie, in del 1939.
Riferiment[Modifega | modifica 'l sorgent]
Alter proget[Modifega | modifica 'l sorgent]
Wikimedia Commons el gh'ha dent imagin o alter archivi su Gesa de San Lissander (Paladina)
