Gesa Veggia (Cornaree)
|
Quest articol chì l'è scrivud in lombard, con la Noeuva Ortografia Lombarda |
.jpg)
La Gesa Veggia a l'è la gesa pussee antiga de Cornaree: l'era dedicada al San Peder, ma incoeu l'è dedicada a la Madona del Rosari, e la se troeuva in la frazzion omonema, in su la strada che de Milan la mena a Noara.[1]
Al dì d'incoeu la dipend de la gesa de San Peder che l'è là arenta.[2]
Storia
[Modifega | modifica 'l sorgent]Una prima gesa l'è fada intorna al secol V in su 'na domus romana, cont i materiai che la faseven su recuverad per la noeuva gesa: quella gesa chi comunque l'è trada sgiò al temp di lombard e del Carlo Magn e l'è sostituida de una noeuva gesa, cont i pared decorade con di scene tolte del Noeuv Testament.[1][3]
Intorna al secol X la borla sgiò e in di secoi adree l'è fada la gesa che la gh'è ancamò incoeu: arent a gh'era anca un monester bell important e la soa titolazzion l'è metuda in ciar del Gofred de Busser del secol XIII.[1]
Del 1251, quand che l'Innocenzi IV l'era dree a tornà de Lion a Roma, el sta a dormì in quella gesa chi.[4]
In tra el 1168 e 'l 1542 gh'era denter una prevostura bella importanta de gustinian e de là inanz al 1788 ghe meten i abaa comendatari, che eren di vescov e cardinai de rilev.[4]
In tra la costruzzion originaria e 'l secol XVI, 'me che se lensg di raport di visite pastorai, inn sgiontade di capelle laterai, e del 1563 l'è ciamada "tempi grand e propi antigh".[3]
La faciada inveci la resaliss al secol XIX, dopo de 'n restaver.[1]
Antiquarium
[Modifega | modifica 'l sorgent]Del 2022 in la veggia sacrestia de la gesa a gh'è un antiquarium indova che gh'è in mostra di robe andeghere de la Gesa e de la domus e anca de alter sit che la Sovrintendenza l'ha descovert aproeuv.[5]
Riferiment
[Modifega | modifica 'l sorgent]- ↑ 1,0 1,1 1,2 1,3 Cornaredo - Chiesa della Beata Vergine del Rosario | BeWeB
- ↑ Cornaredo - Chiesa di San Pietro | BeWeB
- ↑ 3,0 3,1 Chiesa Vecchia di San Pietro | Comune di Cornaredo
- ↑ 4,0 4,1 Nuove ricerche nella chiesa di San Pietro all’Olmo a Cornaredo (MI)
- ↑ La Soprintendenza segnala... – L'Antiquarium della Chiesa “Vecchia” di San Pietro all’Olmo a Cornaredo (MI)
Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Gesa Veggia (Cornaree)
