Germano Mosconi
|
|
Quel articul chì l'è scrivüü in Lumbard, cun l'urtugrafia insübrica ünificada. |
Germano Mosconi, (San Bonifacio, vündes de nuèmber 1932 - Veruna, prìm de màrs 2012) l'è stai un giurnalista italián, diretùr del Nuovo Veronese, che l’ha fài el letùr del TG a Telenuovo - Retenord [1].
Biugrafia[Modifega | modifica 'l sorgent]
L'era cunusüd per el sò stìl semper fìn e per vèss anca un bràu giügadùr de tènis. In del 2005 i g'hann fài un schèrs gròss asèe: un quaidün l'ha miss insema i sò föra unda quan che'l legèva el TG e 'i han püblicàd in d'la Rèd. È saltàd fora una ròba comica de parulàse, bestémie, tic, espresiòn in dialèt verunés e cumpurtamènt de rìd che l'ha fai sembrà el Muscòn cùme un tòni.
In realtà, el Germanu, l'ha miga ciapàda bèn asè; tànt che Lurèns Roata de Rai-Sport, in del 2009, l'ha dìtt:
|
«Lo hanno messo alla berlina [...]. Per farlo arrabbiare i tecnici gli organizzavano un sacco di scherzi [...]. Montate in quel modo, sembrano le immagini di un uomo che ha passato la vita ad imprecare...»
|
L'è stài anca diretùr d'la rivista in Tudèsc Gardasee Zeitung par i türìsta ch'i vegnèven in sül Lagh de Garda. In del febrar 2005 l'è stài el respunsabil PR d'la squadra de balon Hellas Verona[2]. L'è stài anca a Telearena cume upiniunista spurtìu.
L'è mòrt el prìm de màrs 2012 par un màl che'l gh'eva da tèmp. [3][4].
Riferimént[Modifega | modifica 'l sorgent]
- ↑ Telenuovo - Retenord Muore il giornalista idolo del Web
- ↑ Stefano Marchesi. «Novità nell'organigramma del club di Corte Pancaldo». Hellasverona.it, 17 febrar 2005. Vardad in data 30 magg 2011.
- ↑ «E' morto il giornalista Germano Mosconi», tgverona.it. Vardad in data 1 de mars 2012.
- ↑ Matteo Fontana. «Verona, è morto Germano Mosconi». Corriere del Veneto. Vardad in data 01-03-2012.