Georges Brassens

Quest articol chì l'è scrivuu in lombard, grafia milanesa.

Quella vos chi la gh'ha mìnga dì font o a hinn tròpp pocch. Per piesè, gionta di font a la vos.
Per avè on'ideja di alter vos senza font, vardee chichinscì.

(FR) « Je suis d'la mauvaise herbe/braves gens, braves gens/c'est pas moi qu'on rumine et c'est pas moi qu'on met en gerbes./Je suis d'la mauvaise herbe/braves gens, braves gens/je pousse en liberté/dans les jardins mal fréquentés/et je m'demande pourquoi, Bon Dieu/ça vous dérange que j'vive un peu! »	(LMO) « Mì son 'me l'erba matta/brava gent, brava gent/l'è intuel mettom l'oli per condimm in insalata./Mì son 'me l'erba matta/brava gent, brava gent,/e cressi in libertà/adree ai panchett e in mezz ai praa./E voraria savè 'l perchè/ve da fastidi vedèmm in pè. »

El Georges Brassens (Sète, 22 de otober del 1921 - Saint-Gély-du-Fesc, 29 de otober del 1981) l'è staa on cantant e poeta frances.
L'è consideraa vun di protagonista pussee important de la canzon d'autor francesa, che l'ha influenzaa on gran mucc de artista in del sò Paes e anca de foeu.
I sò canzon hinn pien de satira e de ironia vers el poder e qualsessia sort de conformism, e hinn ona critega bella forta a l'autorità, ai convenzion e a l'ipocrisia de la società del sò temp: per esempi vegnen tolt in gir la moral religiosa, el patriotism, l'autorità di giudes e di polee. Ona part de la soa produzion musical l'ha vist anca canzon tiraa foeura de poesii de alter poeta, compagn del François Villon. In tra el 1953 e 'l 1981 l'ha venduu almanch 20 milion de disch.

In tra i artista italian che hinn staa ben influenzaa de l'oeuvera del Brassens a gh'è staa el Fabrizio De André e 'l Nanni Svampa. Tucc duu hann faa on monton de traduzion de canzon de l'autor frances che, in del cas del Svampa, costituissen on tocch fondamental del sò repertori.

Discografia

1953: La Mauvaise Réputation
1954: Les Amoureux des bancs publics cognossuu anca 'me Le vent
1955: Chanson pour l'Auvergnat cognossuu anca 'me Les Sabots d’Hélène
1956: Je me suis fait tout petit
1957: Oncle Archibald
1958: Le Pornographe
1960: Le Mécréant cognossuu anca 'me Les Funérailles d’antan
1961: Le temps ne fait rien à l'affaire
1962: Les Trompettes de la renommée
1964: Les Copains d'abord
1966: Supplique pour être enterré à la plage de Sète
1969: La Religieuse cognossuu anca 'me Misogynie à part
1972: Fernande
1976: Trompe-la-mort cognossuu anca 'me Don Juan

Vos corelaa