Gallaraa
| Gallarate Comun | |||||
|---|---|---|---|---|---|
| |||||
 | |||||
| Dats aministrativ | |||||
| Nom ofiçal | Gallarate | ||||
| Stat | Itàlia | ||||
| Rejon | Lombardia | ||||
| Provinça | Provincia de Varese | ||||
| Capolœg | Gallarate | ||||
| Lengue ofiçai | lèngua italiana | ||||
| Politega | |||||
| Sindeg | |||||
| Orgen lejislativ | Consili comunal | ||||
| Territore | |||||
| Coordinade | 45°39′53.64″N 8°47′29.04″E / 45.6649°N 8.7914°E | ||||
| OSM | 45595 | ||||
| Voltituden | 238 m s.l.m | ||||
| Superfix | 20,98 km² | ||||
| Abitants | 52 811 ab. (1º genar 2023) | ||||
| Densitaa | 2517.21 ab./km² | ||||
| Confin | Besnaa, Büsti Gràndi, Casoraa, Cavaria con Premezz, Cassan Magnagh, Arsagh, Cardan e Samaraa | ||||
| Fus orari | UTC+01:00 e UTC+02:00 | ||||
| Varie | |||||
| Prefiss | 0331 | ||||
| Codex postal | 21013 | ||||
| Sigla autom. | VA | ||||
| Codex ISTAT | 012070 | ||||
| Codex catastal | D869 | ||||
| Sant protetor | San Cristoforo | ||||
| Cl. climatega | |||||
| Cl. sismega | |||||
| Localizazion | |||||
.svg) | |||||
| Sit istituzional | |||||
Gallaraa (Gallarate in Italian; Galleratum in Latin) a l'è on comun de la Provincia de Vares, in la region de l'Alt Milanes, che 'l cunta 53 343 abitant (dato del des 2015 [1]).
Geografia
[Modifega | modifica 'l sorgent]Gallaraa se troeuva in del bass Varesòtt (zòna del Sever), in direzion de Busti Grand e de la Provincia de Milan, e l'è traversada de l'Arnetta e del torrent Riaa. El paes el gh'ha vari frazion ò rioni, ciamaa Arnaa, Bettorin, Cajell, Cassinetta, Scedraa, Crenna, Madònna in Campagna, Moriggia, Ronch e Sciarè.
Stòria
[Modifega | modifica 'l sorgent]
A gh'è tanti testimonianz archeològich che pòrten i origin del paes al II millenni prima de Crist, anca se la maggior part di repert hinn de natura celtiga, tanto che 'l somija che 'l nòmm de la città el vegna pròppi di Gai. Poeu, Gallaraa l'è stada sòtta la dominazion romana e la s'è trovada dent a la Gallia Cisalpina.
Duranta el Medioev l'era in del Contad del Sever e, quand che l'Otton Viscont l'ha traa giò Castell Sever (1287), l'è diventada la capital de la region. De questa condizion noeuva l'ha ciappaa ona mòtta de profitt, e l'è vegnuda on ricch center commercial, anca per tutta l'età di Sfòrza.
Duranta i dominazion francesa e spagnoeula Gallaraa l'è stada feud de vari famili (Bentivoglio, Caracciolo, Pallavicino, Altemps, Visconti e Castelbarco), ma l'è restada semper vun di center pussee important de l'Alt Milanes, tanto che l'è stada anca capploeugh de voeuna di provincc de la Lombardia austriaca, anca se per domà on period brev (1786-1787). Con l'Unità d'Italia l'è entrada in la Provincia de Milan.
Successivament, l'ha vist la nassida de l'industria. L'è diventada città in del 1860.
In del 1926, con la nassida de la Provincia de Vares, Gallaraa l'ha perduu ona part del sò circondari, spartii tra la Provincia de Milan e quella noeuva. Inoltra l'ha perduu el sò ròl important politicament per l'abolizion di circondari e di sòttaprefettur. Semper in del 1926 hinn staa unii a Gallaraa i comun de Crenna e Cajell.
Evoluzion demografega
[Modifega | modifica 'l sorgent]L'andament del numer di abitant del comun de Gallaraa l'è mustraa in de la tablea chi desutta:
Abitant censid
De vedè
[Modifega | modifica 'l sorgent]Ges
[Modifega | modifica 'l sorgent]
- Gesa de San Peder, de origin romaniga
- Basiliga de Santa Maria
- Gesa de Sant'Antòni Abaa
- Gesa de San Zenon
- Gesa de San Ròcch
- Gesa de San Cels
Natura
[Modifega | modifica 'l sorgent]Gallaraa l'è on comun de Parch del Tisin, fiumm che 'l scorr a pòcch chilòmeter a òvest del center abitaa. Arent a Cajell hinn dree a fà sù el Center Parch de la Cassina Mont Divis.
Inoltra a troeuvom la Boschina de Crenna, area boschiva de interess botanich e ambiental, a nòrd-est de la città. Ma el polmon verd de la città l'è 'l Parch Bassett, situaa tra el center comunal e Ronch.
Economia
[Modifega | modifica 'l sorgent]La soa posizion, che le lega ai center de Vares e Milan, l'ha renduda principalment on sitt industrial. Al princippi el settor principal l'era quell tessil, ma adess l'attività l'è entrada in d'on period de crisi fess fòrt.
Quand che l'economia italiana la s'è convertida al terziari, Gallaraa l'ha ciappaa l'occasion che la portava l'areopòrt de la Malpensa, cont el diventà on pont commercial de importanza cressent. La città l'è dree a potenzià i pròppi infrastuttur e la se propònn come bas logistiga: a Gallaraa se troeuven i offizi de vari compagnii aerei e de multinazional.
Di occasion noeuv per l'economia gallaratesa e de l'area de Malpensa hinn spettaa dòpo l'assegnazion de l'Expo 2015 a Milan.
Riferiment
[Modifega | modifica 'l sorgent]- ↑ Statìstiche demogràfiche ISTAT. Statìstiche sö la popolasiù del Istitùto Nasiunàl de Statìstica relatìve al 31 de Dezember 2015.
