Galileo (sonda spasiala)

De Wikipedia
Va a: navegá, truvá
Chest artícol a l'è scricc in Lumbàrt Orientàl, ortograféa unificàda Lombard oriental
Galileo Preparations - GPN-2000-000672.jpg

Galileo l'ìa 'na sónda spasiàla automàtica sènsa equipàgio, asemblàda e gestìda del Jet Propulsion Laboratory per cönt de la NASA a mandàda stüdià el pianeta Giove e i sò satèliti. L'è stàda dedicàda a l'astronomo toscà Galileo Galilei. L'è stàda lanciàda ai 18 de utùer del 1989 del Space Shuttle Atlantis, endel córs de la misiù còdes STS-34. L'è riàda de le bànde de Giove ai de dezèmber del 1995 dòpo de 'n vias de 6 agn, endel qual la g'ha sfrötàt la fórsa gravitasiunàla de la Tèra e de Venere per ciapà la ónda nesesària per viagià a la velocità prestabilìda.

La sonda Galileo, endel córs de la sò misiù la g'ha utignìt divèrsi rezültàcc: l'è pasàda per la prìma ólta arènt a 'n asteroide, la g'ha scuprìt per la prìma ólta en satèlite entùren a 'n asteròide, l'è stada la prìma sónda a mitìs en òrbita entùren a Giove e a lancià 'na sónda endèla sò atmosféra.

Ai 21 de setèmber del 2003, dòpo ìga pasàt 14 agn endel spàsio e 8 endel sistéma de Giove, la misiù l'è stada cunsideràda terminàda e l'orbiter l'è stat mandàt a destrügìs endèla atmosféra de Giove per fà che ògna batério terèstre che püdìa troàs amò sö la sónda el nés mìa a contaminà 'na quach lüna de Giove.