Galeazz I Viscont

De Wikipedia
Sata a-a navegassion Sata a-a serchia
Lumbard ucidental Quest articol chì l'è scrivuu in lombard, grafia milanesa.
El Galeazz

El Galeazz I Viscont (21 sgenee 1277 – Pescia, 6 agost 1328) a l'è staa on nòbel milanes, scior de Milan dal 1322 al 1328.

Fioeu del Mattee Magn, se dis che 'l sia nassuu el midemm dì de la vittoria del zio Otton Viscont in la Battaja de Des, l'è staa scernuu de lu prima 'me reggent e poeu, quand che l'è staa accusaa de eresia, 'me sò successor. Prima de governà Milan l'ha governaa Piasenza e in 'sto roeul l'ha casciaa i guelf de Crema, Cremona e Lod.

Durant del sò governo a Milan a l'è casciaa per on poo del Lodris Viscont che, però, timoros de 'n tornà di Torrian, el ghe da la possibilità de tornà e in del 1322, de capitani del Popol, a l'è nomenaa Scior. El conquista Monscia in del 1325 e 'l fa su el Castell Viscontee.

In del 1327 a l'è menaa via di trupp imperiai a Monscia con l'accusa d'avè mazzà el fredell Steven, ma dopo de 'n quaj mes a l'è liberaa. Fortement frustraa, el va del Castruccio Castracani e pocch dopo el moeur, senza tornà a Milan.

In dl 1329 el fioeu Azzon l'è nomenaa sò successor.

Riferiment[Modifega | mudìfica 'l sorgènt]