Capitani del Popol
El Capitani del Popol a l'era 'na carega del governo de 'n poo de Liber Comun del medioev, istituii per la prima voeulta intorna al 1200 per reppresentà el popol, che a l'epoca l'indicava i borghes sciori de danee ma minga de titol. De solit el controllava l'operaa del Podestà, insemma ai reppresentant di sgent armaa, a l'epoca quej de la nobiltà, e ai reppresentant di art e di mestee.
A la fin del secol quell del 13, però, la capitania del popol a l'è deventada semper pussee on quajcoss che 'l reppresentava di tirannij ereditari de facto, che in la pupart di cas han menaa al nass di signorij.