Fugu

De Wikipedia
Lumbard ucidental Quest articol chì l'è scrivuu in lombard, grafia milanesa.
Coeugh cont un piatt de Fugu

El Fugu (parnonzia /'fugu/), in giappones 河豚, 鰒, in katakana フグ l'è on piatt tipegh del Giappon. El gh'ha denter ona dos che la fa morì de tetradotossina, e domà on espert el pò taja el pess in manera che 'l tossegh el coppi no quej che mangen el fugu.

Storia[Modifega | modifica 'l sorgent]

El fugu l'è mangiaa da secol in Giappon, gh'hinn di proeuv che l'era mangiaa almanch dal 10000 a.C., ma 'sto pess l'è staa proibii longh el governo del Tokugawa (ma domà in la zona de Edo) e longh el Pediod Meiji (1867-1912)

In di ultim agn, tucc i mort (manch vun) i eren pescador o vagabond che mangiaven i scart del pess. Al di d'incoeu, i restorant butten via i scart del fugu in di contenidor speciaj cont on bogin.

A Osaka gh'è el musee del Fugu.

Ricett[Modifega | modifica 'l sorgent]

El fugu sashimi

La ricetta de fugu pussee famosa l'è el Fugu sashimi, che l'è el sashimi de fugu metuu per formà on Chrysanthemum, el fior nazional del Giappon.

Gh'è anca el Fugu Kara-age, che l'è fritt, e el Hire-zake che hinn i pinn del pess fritt cont el sake. Gh'è anca el Fugu-chiri, indoa el fugu l'è bollii cont di verdur.

Legislazion[Modifega | modifica 'l sorgent]

In Giappon, despoeu de la mort de pussee de 400 person, quej che fann el fugu i gh'han de avegh ona licenza speciala, la fugu chorishi menkyo, che l'è dada despoeu di esamm scritt e prategh.

Tra l'alter, l'è l'unega pietanza che la pò minga vess mangiada de l'Imperador del Giappon.

In Italia el fugu l'è interdii, e in l'ann 1977 gh'hinn staa trii mort per del pess importaa da Taiwan.

In l'Asia del Sud l'è proibii, ma l'è 'na proibizzion che la fonziona mia tropp ben.

In di Stat Unii, el fugu l'è legal domà se l'è congelaa in Giappon e mandaa in del paes.

Riferiment[Modifega | modifica 'l sorgent]

Vos corelaa[Modifega | modifica 'l sorgent]