Frecass de pedann

Quest articol chì l'è scrivuu in lombard, grafia milanesa.

El frecàss de pedànn a l’è el rumór che ‘l s'ingenera quand che 'n quajvun el cammina o caosàa in generàl de di impàtt compagn per esempi de quèj di granìtt de tempèsta. El frecàss de pedànn l’è on destùrb in di edifizzi per quèj che stànn de bass.

Livèll del frecass de pedann normalizzaa

Compù el frecàss ingeneràa cont el camminà l’è fòrt, e compù l’è piscinina l’area de assorbiment acustich de l’ambiént desturbàa, compù el livèll de pression sonòra del frecàss de pedànn l’è fòrt. Al fin de podè confrontà i valór de divèrsi ambiént infra de lor, a se dopera come sorgént de rumór ‘na macchina de simulà on frecàss de pedànn standard, poeu a se misura el livèll del rumór L_i medi in del'ambiènt desturbàa, donca se normalizza el rumór rispètt a l’area de assorbimént per mèzz de la formola chì adrée. El livèll normalizzàa inscì calcolà el servìss de confrontà l’effètt del frecàss de pedànn in manera indipendenta de l’area de assorbimént acustich de l’ambiént ricevént. El ven inscì definìi el livèll del frecàss de pedànn in dB normalizzàa rispètt a l’assorbimént equivalent.

$L_{n}=L_{i}+10log{\frac {A}{A_{o}}}$

indoe:

A l’è l’area de assorbiment acustich de l’ambient desturbàa;

A_o l’è on area de assorbiment acustich de riferimént doprada per normalizzà e 'l sò valór l'è Ao=10m²

El pò anca vèss definìi el livèll del rumór de pedànn normalizzàa rispètt al temp de rivèrber T a ciapà come valór de riferimént per el temp de rivèrber To=0,5 s

$L_{n}=L_{i}-10log{\frac {T}{T_{o}}}$

Intervent per redù el frecass de pedann

Di intervent bon de sbassà el frecàss de pedànn hinn el realizzàa:

-di paviment elastich;

-di paviment rialzaa;

-di controsoffitt sospenduu elasticament.

Per savenn pussee, varda i articoi Paviment elastich, Paviment rialzaa e Confrosoffit sospenduu elasticament.

Vos correlad

• Paviment elastich;
• Paviment rialzaa;
• Controsoffitt sospenduu elasticament.