Francesco Calzolari (partesan)

Quest articol chì l'è scrivud in lombard, con la Noeuva Ortografia Lombarda

El Francesco Calzolari (Marzabotto, 28 sgener del 1926 – Savigno, 24 de sgiugn del 1944) l’è stad on partisan italian, medaja dora al valor militar a la memoria.

Biografia

De sgiovin sgiovinent el s’è agregad a la Brigada "Stella Rossa", che l’operava in sui Mont Penin bolognes, e 'l s’è subit distint per el sò coragg, tant che a ghe stad fidad el comand d’ona patuja. In del sgiugn del 1944, el Calzolari e i sò omen i hann scombatud contra on repart nemis a Montepastore, ona località del comun de Monte San Pietro.

Ferid per de bon a la facia, el sgiovin paesan l’è andad adree a combater fina al borlà in di man di nemis. Tradot a Vedegheto, l’è stad a longh sotopost a tortura, cont el fin de fàgh insegnà i loeugh di distacament de la "Stella Rossa", ma lù l’ha minga mollad e i sò aguzzin i l’hann massacrad con crudeltà. A gh'è stada conferida la massima ricompensa militar italiana in del 1968.

Onorificenze

Medaja dora al valor militar a la memoria

«Combatent de cartell, a l’era in tra i prim a tirà in in pee i formazzion partesane de la soa zona e a partecipàgh insema cont ona fila de azzion asca distingues per coragg e sprezzo del pericol. In del cors d’on combatiment sanguanent contra di forze aversarie superiore, restad ferid sul seri, el refudava ogni socors e ‘l segutava a fà foeugh con la soa mitragliatris, fina al fàss ciapà. Sotopost ai torture pussee terribil, el refudava de rivelà i notizzi che i gh’haveven domandad. Con la carna strazziada per i feride subide in precedenza, con la fever che l’era ‘dree a brusàll, el ghe criava a l’aversari l’odi che ‘l le dominava. Front al sò comportament eroich el nemis el ghe rispondeva con crudeltà cont el massacràll e scondendon i rest. Nobil esempi de decision e d'amor de Patria.» — Appennino Bolognese, 8 settembre 1943 - 24 giugno 1944.