Fium Jald

De Wikipedia
Jump to navigation Jump to search
Quell articol qì l'è scrivud in Lombard, ortografia SL.
Ol fium a Lanzhou.
Mapa del bacin.

Ol fium Jald, in cines 黄河 (Huáng Hé) o 黃河 (Huang Ho), l'è ol principal fium de la Cina setentrionala, de spess ciamad la cuna de la civiltaa cinesa.

Cond i so 5 464 km de lungeza l'è vun dei fium plussee long a'l mond e ol segond de la Cina.[1] Ol so bacin idrografeg inscambe al g'ha una superfix de circa 750 000 km², la terza plu granda del stat asiateg.[2]

Ol fium al nass ind la provinça del Qinghai, in sul voltpian del Tibet (a 4 500 m sora ol nivell del mar), e al passa a travers ses province e do rejon autonome fin a'l Mar de Bohai (golf de Chihli), qe al fa part del Mar Jald. Ind el so cors inferior de spess al va fœra dei arjen, e per qell motiv qé l'è stait sovernominad anca ol Dolor de la Cina e 'l Miga Governabel.[3]

Ol termen huang (tr. jald) al veng dei sediments de lœss qe ol fium al porta fina a'l mar. Ol so bacin al g'ha denter tante dei plussee antige citaa de la Cina: Lanzhou, Baotou, Xi'an (Sian), Taiyuan, Luoyang, Zhengzhou, Kaifeng e Jinan.

Riferiments[Modifega | mudìfica 'l sorgènt]

  1. (IT) Classifica dei fiumi più lunghi del mondo Travel365.it
  2. (EN) Yellow River (Huang He) Delta, China, Asia. Geol.lsu.edu (2000-02-28). Retrieved on 2013-02-04.
  3. (EN) New York Times "A Troubled River Mirrors China's Path to Modernity". 19 November 2006 p. 4.