Ferdinando Brusotti
El Ferdinando Brusotti (Rosasch, 5 de november del 1839 - Pavia, 29 de dicember del 1899) l'è staa on inventor italian.
Biografia[Modifega | modifica 'l sorgent]
Nassuu in Lomellina, l'ha studiaa ingegneria a l'Università, anca se lu 'l voreva dedicàss a la fisega. In del 1864 el se laurea cont ona tesi in sui gas, e l'ann dopo a l'è ciamaa per insegnà a l'Università, e 'l ghe resta dent fina al 1895.
In la soa vita l'ha faa sia di ricerch teoregh, che gh'han avuu no gran success, sia di ricerch prategh, che gh'han avuu success.
I sò invenzion[Modifega | modifica 'l sorgent]
A l'è patent che la soa invenzion pussee importanta la sia ona lampadina, squasi contemporanea a quella del Thomas Edison. L'era basada in su 'n principi different fiss da quella a incandescenza del Edison, in su 'n fil de platin, cont on dispositiv de sicurezza inventaa de lu per evità la fusion del fil.
L'ha provaa a miôrà la soa invenzion finna al 1879, quand l'ha savuu di resultaa american, e donca, vist anca i pocch mezz che 'l gh'aveva, l'ha lassaa perd.
L'ha inventaa anca on misurador elettregh del nivell de aqua in di fium e di perfezionament a di alter macchin per l'aqua. L'ha faa anca di esperiment in la comunicazion telefonega in su la ligna del telegrafo longa 36 km: Per quij agn (1874) l'era 'na roba rivoluzionaria, vist che cont i metodi del Antonio Meucci e del Alexander Graham Bell hinn rivaa ai 22 km domà in del 1877.