Cunt de fade
|
Quest articol chì l'è scrivud in lombard, con la Noeuva Ortografia Lombarda |
Un cunt de fade (ancasì congnossud coma cunt per bagaj, cunt de fantasia, cunt maravejos, cunt de magia, o cont el toscan favola) l’è una storia piscinina o un’œuvra de fintaria che la ghe perten al sgender del folclor.[1] De norma, in quelle storie chì ghe compariss la magia, di striozz o di creadure miteghe o imasgenarie. Ind la pupart di culture a gh’è minga de diferenza intra i mit e i cunt de natura folcloristega, desgià che i inn tucc duu part de la tradizzion oral de una zivilizazzion.[2] Dei element popolar ind i cunt de fade inn i dragh, i nan, i elf, i fade, i gnom, i grifon, i serene, i babao, i follit, di bestie che parlen, i strie, i magh, la magia e i striozz.
I cunt pœuden vesser orai o scrivud, e tancc s’inn evolud de di storie cuntade su de la sgent anca per devers segoi in tut el mond.[3] Desgià che nomà la forma scrivuda la riess a soraviver, la storia de quist cunt l’è assee malfà a stàgh adree. Impunemanca, segonda i universitaa de Durham e Lisbona, i pœuden anca havégh deverse mejere de agn, cont un quajvun che el rivariss sgiò infinanca de l’Etaa del Bronz.[4][5]
I cunt de fade – e olter lavorà compagn – vegnen scrivud anca al dì de incœu.
Referenze
[Modifega | modifica 'l sorgent]- ↑ Jorgensen, Jeana (2022). Fairy Tales 101: An Accessible Introduction to Fairy Tales. Fox Folk Press, 372 pages. ISBN 979-8985159233.
- ↑ Bettelheim, Bruno (1989). The Uses of Enchantment: The Meaning and Importance of Fairy Tales, wonder tale, magic tale. New York: Vintage Books. ISBN 0-679-72393-5.
- ↑ Gray, Richard (5 September 2009). "Fairy tales have ancient origin", The Telegraph.
- ↑ "Fairy tale origins thousands of years old, researchers say" (20 January 2016).
- ↑ Blakemore, Erin (20 January 2016). Fairy Tales Could Be Older Than You Ever Imagined (en).
Olter proget
[Modifega | modifica 'l sorgent]
Wikiquote el gh'ha dent citazzion de o su cunt de fade
Wikimedia Commons el gh'ha dent imagin o alter archivi su cunt de fade
