Fabrizio Cecchetti

Quest articol chì l'è scrivuu in lombard, grafia milanesa.

Fabrizio Cecchetti


President del Consili Regional de la Lombardia
Ol durar del mandad	8 de magg 2012 – 26 de marz 2013
Predecessor	Davide Boni
Sucessor	Raffaele Cattaneo
Lejisladure	IX

Deputaa italian
Lejisladure	XVIII
Grup parlamentar	Liga Salvini Premier
Circoscrizion	Lombardia II

Informazion jenerale
Prefiss onorifeg	On.
Partid politeg	Liga Salvini Premier (dal 2017) Liga Nord (finna al 2017)
Tendenza politega	Progressism social Independentism (finna al 2017)
Titol de studi	Diploma scientifich
Profession	Impiegaa

El Fabrizio Cecchetti (Rò, 3 de dicember del 1977) l'è on politegh italian, dal 2018 deputaa cont la Liga Salvini Premier e, in precedenza, president del Consili Regional de la Lombardia e consejee regional.

Biografia

Entra in gioventura in la Liga Nord e in del Moviment di Giovin Padan. In del 1998 l'è elegiuu consiliee a Rò, per poeu vess rielegiuu in del 2002 e 2007. In del 2005 l'è elegiuu al Consili Regional lombard e l'è riconfermaa in ddel 2010 e in del 2013.

In del 2012 l'è elegiuu President del Consili Regional, che l'ha sostituii el Davide Boni, indagaa per corruzion. In del 2013 a l'è mittuu 'me vicepresident.

In di elezion politegh italian del 2018 a l'è elegiuu deputaa in la circoscrizion Lombardia 2 cont la Liga Salvini Premier.

A l'è maritaa, del 2018, cont la Laura Santin.

Posizion politegh

A l'è semper staa retegnuu vun di element pussee progressista de la Liga: I sò vot han permittuu per esempi a la Region de patrocinà dal 2014 al 2016 el gay pride de Milan, cont gran dibattit in del partii.

El s'è deciaraa a favor di union in tra i personn del midemm sess, al testament biologich e a l'us medich de la cannabis.

Procediment giudiziari

In del 2012 a l'è indagaa in del process di "spes matt" e in del 2014, prima de la sentenza de la Cort di Cunt, el da indree 49'000 Euro.

El 29 de april 2015 a l'è rinviaa a giudizzi per peculaa.

Riferiment