Everywhere (Michelle Branch)

Quest articol chì l'è scrivuu in lombard, grafia milanesa.

"Everywhere" l’è el sìngol de debùtt de la cantautora americana Michelle Branch pubblicàa el 17 de luj del 2001.

A l’è stàa scrivùu de lee e del John Shanks per el sò album de debùtt, The Spirit Room (2001). La canzón a l’è stada prodòtta del John Shanks e l’è stada pubblicada de la Maverick Records. La canzón l’hà ottegnùu on succèss moderàa, de fatt l’è rivada in di primm 20 in Australia, Olanda, Noeuva Zelanda, Regno Unii, e in di Stati Unii. Everywhere l’è ona canzón d’amor a la ghitara acustica che la dìss che quand che’l te pias on quaivun , tuscòss a te fà a pensà a quela persòna lì. Lu o lee a gh’è in depertùtt, ind ogni còsa piscininina. ^[1]

Gh’hinn du video musicaj per la canzón; in del primm di du, gh’è la Michelle che la canta la canzón ind on edifizzi decrepìt, indoe la se mètt in pòsa per el servizzi phòtografich del’album The Spirit Room. Quèl video là l’è stàa domà miss dent in di CD prima de vèss miss foeura in sul’iTunes ind on numer limitàa de paes. El vìdeo officiàl e secónd video musicàl el fà vedè la Michell in del sò appartamènt che la ghe varda adrée a on bagai ind on appartamènt d’on palàzz de là de la via intanta che lee la sona la ghitara ind ona stanza voeuda. Donca lor du i se incontrarànn a la fin de la mùsega del video. ^[1]