Ere del Giapon
|
Quest articol chì l'è scrivud in lombard, con la Noeuva Ortografia Lombarda |
I ere del Giapon inn la manera che la se dopera in Giapon par spartì la storia in tochet de temp. Per quella reson chi inn un element important de la storia e de la cultura giaponesa. Quell sistema chì a l'è ciamad gengō (元号, "nom del period") o nengō (年号, "nom de l'ann"). Le ere ciapen el nom de l'imperator de l'istessa. El 2024 l'è l'ann 6 de l'era Reiwa. Donca, 11 novembar 2024 cont i ere giaponese, saress "令和6年11月11日 (Reiwa, ann 6, mes 11, dì 11)".
De solit, i ere i tachen minga prope el 1° genar donca vun ann el pœt vesser spartid intra dò ere. Par esempe l'era Heisei l'è finida al 30 april 2019 con la mort de l'imperator Hirohito e l'è tacada la nœuva era Reiwa. Par quella reson chi, el 29 april 2019 l'è ind l'era Heisei e el 1° magg 2019 l'è dentar de l'era Reiwa.[1]
Ind Giapon el vegn dœuperad anca el Calendari gregorian ind manera informala e par tematighe minga indirizade domà a i giapones.[2]
I ere de l'etaa moderna inn:
- Meiji, 明治, 1868 - 1912
- Taishō, 大正 1912 - 1926
- Shōwa, 昭和 1926 - 1989
- Heisei, 平成, 1989 - 2019
- Reiwa, 令和, 2019 - didincœu