Erbàn

De Wikipedia
Jump to navigation Jump to search
Chest artícol a l'è scricc in Lumbàrt Orientàl, ortograféa unificàda Lombard oriental
La céza parochiàla dedicàda a San Ròch.

Erbàn (nòm uficiàl en italià: Erbanno) l'è 'na frasiù del cümü de Darf, en Pruìncia de Brèsa.
El paés el se tróa endèla Al Camònega bàsa.

El cèntro uriginàl del paés l'è stat fat sö ai pè dei mucc che stà töt entùren a la spónda ucidentàla de la al, en particolàr al mut Altissimo e al mut Erbàn, apéna piö 'n alt del fónt de al.

L'ìa zamò lüminàt come giü dei cümü de la Al Camònega endel 1493[1], e 'ndena descrisiù del '600 el cumprindìa dò "tère": Erbàn e Angù.

El g'ha fat cümü de per sò cönt amò 'nfìna al 1928, quan che 'ndel quàder de 'na reorganizasiù generàl de le autonomìe locài, l'è stat agregàt al cümü de Darf.

Del pónt de vìsta de l'aministrasiù religiùza, Erbàn el fà paròchia de per sò cönt e 'l fà part de la diòcezi de Brèsa. La sò céza parochiàla l'è dedicàda a San Ròch.

Riferimèncc[Modifega | mudìfica 'l sorgènt]

  1. Antonio Medin. "Descrizione della città e terre bresciane nel 1493", “Archivio storico lombardo”, XIII, 1886.