Eliseu Maria Coroli

De Wikipedia
Jump to navigation Jump to search
Ludesàn Chel articul chi l'è scrivüd en ludesàn cun urtugrafìa ludesana


Eliseu Maria Coroli (Castelnöu Val Tidòn (PC), 9 de febràr 1900 - Bragánsa Pará, Brasil, 29 de lüi 1982) l'è stai un prét Barnabita e dal 1940 al 1977 prìm Prelàt de Guamá, teritòri che in del 1980 l'è diventàd diocesi, cul nùm de Diocesi de Bragánsa Pará.

Biugrafia[Modifega | mudìfica 'l sorgènt]

Nasüd a Castelnöu Val Tidòn, frasiòn ad Burgnöu, (PC) el 9 de febràr 1900, l'é stai urdinàd prèt Barnabita in del 1924.

L'è stai mandàd misiunari in del Brasil del Süd quasi sübit, a la fìn d'i ann '20, e in del 1930 in d'la Prelatüra de Guamá. Cunsacràd Vesc el 13 d'utùber 1940 dal cardinal Benedetto Aloisi Masella.

L'ha custrüid tante scòle e l'ha fundài Radio Educadora una radio per i fiulìn e i pòver analfabeti. L'ha fundài anca l' Urdin de le Misiunarie de Santa Teresina e el g'ha impòst el quàrt vùt: quell de l'alegria. L'Urdin l'é stài apruàd in dla sò Diocesi in del 1976 e dal Vatican in del 1981.

El s'è dimess el 5 de febràr 1977, e g'hà lasàd el post a Mons. Michel Maria Giambelli, anca lü Barnabita. L'è mort el 929 de lüi 1982, e el riposa in d'la catedràl de Bragánsa Pará.

In del 1996 l'è stài vèrt el prucèss de beatificasiòn.

Mòtt[Modifega | mudìfica 'l sorgènt]

Filiolis pax et gaudium (Ai fiulìn la pàs e l'alegria)

Bibliugrafia[Modifega | mudìfica 'l sorgènt]

  • Terezinha Colares: O Missonário Feliz, Grafica e Editora São Marcos Ltda, Paragominas, Brasil

Ligam de föra[Modifega | mudìfica 'l sorgènt]