Elezion presidenziai di Stat Unii del 2016

De Wikipedia
Lumbard ucidental Quest articol chì l'è scrivuu in lombard, grafia milanesa.
Elezion presidenziai di Stat Unii del 2016
Data 8 de november del 2016
Candidads Donald Trump Hillary Clinton
Partid Partii Republegan Partii Democrategh
Voti 62 979 879
46,1 %
65 844 954
48,2 %
Grands eletor 304 227
President de prima
Barack Obama
2012 2020

I Elezion presidenziaj di Stat Unii del 2016 hinn staa el 8 de november del 2016 e han vist 'me vincidor el republegan Donald Trump, contra la pupart di pronostegh che daven la Cà Bianca a la democratega Hillary Clinton, che, a bon cunt, l'ha vengiuu al vot popolar.

I candidaa[Modifega | modifica 'l sorgent]

Partii Democrategh[Modifega | modifica 'l sorgent]

El Partii Democrategh l'ha candidaa la Hillary Clinton, miee del vegg president Bill Clinton, vegia senatora e Segretaria de Stat.

El sò avversari el pussee important l'era el Senator del Vermont Bernie Sanders, socialista, bon de portà i giovin in di sò Congress. I primari han daa la vittoria a la Clinton, e 'l Sanders l'ha sostegnuu la Clinton per fermà el republegan Donald Trump.

L'unegh candidaa vicepresident l'era el Tim Kaine, donca elegiuu per acclamazion.

Partii Republegan[Modifega | modifica 'l sorgent]

I protagonista principai di primari republegan hinn staa el Donald Trump, el Ted Cruz e 'l Marco Rubio.

A bon cunt el pareva favorii el giovin Rubio, consideraa on Obama di Republegan, ma dopo di primm primari l'ha perduu la possibilità de vinc e la pupart del GOP l'ha faa 'n union intorna al Cruz per fermà Trump.

A la fin i primari hinn staa vinciuu dal Donald Trump.

Partii Verd[Modifega | modifica 'l sorgent]

El Partii Verd l'ha candidaa l'attivista Jill Stein.

Partii Libertarian[Modifega | modifica 'l sorgent]

El Partii Libertarian l'ha candidaa l'ex governator del Noeuv Messegh Gary Johnson.

The Great Meme War[Modifega | modifica 'l sorgent]

The Great Meme War (La Granda Guerra di Meme in lombard) l'è on termen doperaa per indicà el support in sul web ai candidaa, principalment al Donald Trump, ai elezion presidenziai di Stat Unii del 2016.

In 'sto period chi hinn sortii foeura on mugg de meme e in di piattaform comé 4chan gh'è staa di ver e proppi litt in sui candidaa cont i meme ch'han portaa i moderator a intervenì.

Dopo de la vittoria del Trump in sui forum, principalment in sul Reddit /r/The_Donald han scominciaa a doperà i midemm meme per i alter leader europee vesin al Trump, comé 'l Nigel Farage, la Marine le Pen e 'l Geert Wilders.

Particolarment doperaa el personagg de Pepe the Frog, che l'ha menaa anca al cult parodistegh de la veggia divinità egizia Kek. ossia 'na rana.

El vot[Modifega | modifica 'l sorgent]

L'elezion l'è stada l'8 de november del 2016, cont di modalità e di temp on poo different de Stat a Stat.

Intorna ai 2:30 (ora de Roma) tucc i media daven Donald Trump elegiuu President.

El Collegi Elettoral[Modifega | modifica 'l sorgent]