Dus de la Republega de Venezzia
(Rimandad de Dus de Venezzia)
|
Quest articol chì l'è scrivud in lombard, con la Noeuva Ortografia Lombarda |
El Dus (in venezzian Doze, in italian Doge) a l'era el capo de Stat e de governo de la Republega de Venezzia.
Per la tradizzion, la carega la saria stada fada su del 697 e l'è stada tolta via cont el borlà de la Serenissima el 12 de masg 1797. El prim dus l'è retegnud el Paolucc Anafest, menter el darer a l'è stad el Lodovico Manin.
Votad a vita del Magior Consili cont un gran sistema de sortegg e votazzion, la soa mier l'era incoronada Dogaressa e per la pupart de la storia la podeva minga vesser forestera. El guidava la Serenissima Signoria, che l'era in di facc l'autorità pussee volta de la Republega.
El so simbol pussee cognossud a l'era el coren ducal, 'na corona republegana, e 'l stava de cà al Palazzi Ducal.
Riferiment
[Modifega | modifica 'l sorgent]Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Dus de la Republega de Venezzia
