Differenz in tra el cecch e 'l slovacch

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.

El cecch e 'l slovacch hinn part de on continuum lenguistich che 'l revarda anca la lengua rutena e quella polacca.

Storia[Modifega | mudìfica 'l sorgènt]

Durant de la Cecoslovacchia in di mezz de informazion i dò lengov conviveven, e 'l facc che l'amministrazion la vedeva tranquillament cecch e slovacch lavorà insemma el permetteva ai cecch de végh 'na competenza del slovacch e ai slovacch de végh 'na competenza del cecch. Dopo de la dissoluzion de la Cecoslovacchia i dò popoi han avuu men contatt e i giovin, soratutt in Cechia, han mocaa de intend l'altra lengua.

Differenz[Modifega | mudìfica 'l sorgènt]

Abecee[Modifega | mudìfica 'l sorgènt]

L'abecee cecch el gh'ha i letter ř, ě, ů che hinn no in quell slovacch che, inscambi, el gh'ha ä, ĺ, ľ, ô, ŕ.

Grammatica[Modifega | mudìfica 'l sorgènt]

In teoria sia el cecch che 'l slovacch han 7 cas, ma in slovacch el vocativ a l'è doperaa domà in d'on quaj cas particolar ('me pane, otče, bože), menter in cecch a l'è comun, tant de fà despess ciamà el slovacch 'me lengua a ses cas.

Vocabolari[Modifega | mudìfica 'l sorgènt]

'Me per la pupart di lengov slav i paroll a hinn assee arent e gh'è, pu che alter, di differenz de grafia. Granda differenza la gh'è in di nomm di mes, cont el cecch che 'l dopera i nomm classich slav e 'l slovacch quej latin, e in la nomenclatura de la biologia.

Riferiment[Modifega | mudìfica 'l sorgènt]

Vos corelaa[Modifega | mudìfica 'l sorgènt]