Depression mediterranea

Quest articol chì l'è scrivuu in lombard, grafia milanesa.

Ona depressión mediterrànea a l’è ona depression mòbil che la se forma in del bascì de mar Mediterrani quand che on front frècc atlantich portàa adrée de ‘na depression mòbil pòcch profonda e pòco estèsa el passa sora el Mediterrani. El front frècc a l’è caratterizzàa de corrent ascendent de già che el ruza l’aria vèrs l’alt, l’aria ruzada vèrs l’alt a l’è in quèll caso chì però quèlla sora el mar e per quèst molto calda e ùmeda che quand che la va su la libera el sò calor sconduu de condensa che la riscalda inscì de favorìnn anmò la soa salida. I corrent ascendent, inscì se rinfòrzen e de conseguenza la pression atmosferega la se sbassa anmò pussée. L’aria di zòn intorna la ven ciamada del center de bassa pression, in particolar l’aria calda del Sahara che la ven ùmida quand che la vola passa via el mar innanz per andà dent ind la depression. El fluss de aria calda che l'alimenta la depression a l’è ciamàa naster trasportador cald che l’è el fluss in entrada del ciclon. I depression mediterranei menen despèss di fòrt precipitazion e anca di inondazion.

Vos correlad

• Ciclon tropical mediterrani
• Mar Mediterrani