Darmstadt

Quest articol chì l'è scrivuu in lombard, grafia milanesa.

Darmstadt Comun
Darmstadt - Sœmeanza
Dats aministrativ
Nom ofiçal	Darmstadt
Stat	Germania
Land	Hessen
Distret
Circondari
Nassida	1330
Politega
Sindegh	Jochen Partsch (21 giugn 2011)
Territore
Coordinade	49°52′N 8°39′E
OSM	62581
Voltituden	144 m s.l.m
Superfix	122,07 km²
Abitants	162 243 ab. (31 dicember 2022)
Densitaa	1329.1 ab./km²
Confin	circondario di Darmstadt-Dieburg e circondario di Offenbach
Fus orari	UTC+01:00 e UTC+02:00
Varie
Prefiss	06151, 06150 e 06159
Codex postal	64283–64297
Sigla autom.	DA
Cl. climatega
Cl. sismega
Localizazion
Darmstadt - Localizazion
Sit istituzional

Darmstadt l'è ona città de la Germania central, cont ona popolazion de 149 743 personn (dato del 31. des 2013).

Geografia

I quarter de Darmstadt

L'è ona città de l'Assia, capploeugh del distrett con l'istess nomm. L'è foeura di circondari.
L'è la quarta città del Land, dopo de Francofort, Wiesbaden e Kassel. L'è traversada del riaa Darmbach e del Modau. Darmstadt la gh'ha noeuv quarter: Darmstadt-Mitte, Darmstadt-Nord, Darmstadt-Ost, Bessungen, Darmstadt-West, Arheilgen, Eberstadt, Wixhausen e Kranichstein.

Storia

Darmstadt la salta foeura per la prima volta in d'on document del XI secol cont el nomm de Darmundestadt. Se sa minga ben de indove l'è che 'l vegna 'sto nomm: besogna dì che l'è domà ona coincidenza che "Darmstadt" in del todesch del dì d'incoeu el voeura dì "città de l'intestin".
La gh'ha 'vuu el status de città sotta el regn de Luis IV del Sacher Roman Imperi in del 1330. Al temp Darmstadt la partegniva a la contea de Katzenelnbogen: i cont la doperaven 'me segonda residenza e gh'hann faa sù on castell. Quand che la dinastia di Katzenelnbogen l'è finida, in del 1479, Darmstadt l'è passada a l'Assia, e inscì l'è anca al dì d'incoeu.
L'è cressuda de bon ai temp de la Revoluzion Industrial. Ai temp di Nazista l'è stada la prima città che in del 1933 l'ha faa sarrà sù tucc i negozzi ai giudee. In del 1942, hinn staa deportaa 3000 giudee. Dopo la II Guerra Mondial (e dopo avè patii di bombardament bei pesant), Darmstadt l'è stada sede de on mucc de compagnii tecnologegh.

Gemellagg

• Alkmaar, Paes Bass.
• Troyes, Francia.
• Chesterfield, Regn Unii.
• Graz, Austria.
• Trondheim, Norvegia.
• Bursa, Turchia.
• Płock, Polonia.
• Freiberg, Germania.
• Szeged, Ungheria.
• Bressa, Italia.
• Saanen, Svizzera.
• Ungwar, Ucraina.
• Libau, Lettonia.
• Logroño, Spagna.