Cròia

De Wikipedia
Va a: navegá, truvá
Lumbard ucidental Quest articol chì l'è scrivuu in lombard, grafia milanesa.
El Castell de Cròia

Cròia (Krujë o Kruja in albanes; Croia o Croja in italian; Akçahisar in turch; Kroja in serb) l'è ona città albanesa, capploeugh del distrett omònim.

Cont ona popolazion de circa 20.000 abitant, Cròia a l'è cognossuda soratutt per vess la città d'origin de l'eròe nazional albanes, el Giòrg Castriòta Scanderbeg.

In de l'april del 1450 el castell de Cròia l'ha resistii per cinqu mes a on assedi turch, e inscì l'ha portaa ona ventada d'euforia in de l'Euròpa cristiana, che la vardava con preoccupazion l'avanzada ottomana (Costantinòpol la saria borlada giò domà trii ann dòpo).

El nòmm de la città la vegn de la paròla albanesa krua, che la voeur dì font. Cròia de fatt l'era la città di font, vist che la se troeuva arent a montagn ricch de font e acqui fresch.

Per paradòss, vun di problema maggior de la città al dì d'incoeu l'è el sistema idraulich pòcch organizzaa.

D'interess turistich a hinn el castell, restauraa e divegnuu on musee dedicaa al Scanderbeg, e 'l bazar.

Vos correlaa[Mudifega | mudìfica 'l sorgènt]