Corrent alternada

De Wikipedia
(Rimandad de Correnta alternada)
Lombard Quest articol chì l'è scrivud in lombard, con la Noeuva Ortografia Lombarda
Corrent alternada a 230 Volt con frequenza de 50 Hertz

La corrent alternada (breviada CA o AC de l'ingles, segnada 'me ~) a l'è una forma de corrent eletriga indova che la direzzion del fluss di eletron la cambia in del temp, inscì 'me la soa magnituden. In di forme pussee pure, la gh'ha la forma de 'na sinusoida, menter in alter cas, per esempi i amplificator per la musega o i inverter, poden vesser doperade di onde triangolar o di onde quader.

La pupart de la distribuzzion eletriga vers i cà, i industrie e i aziende l'è fad in corrent alternada, e la pupart di eletrodomestegh la doperen, inscì 'me i lampadine, menter i robe pussee piscinine doperen la corrent continua, de solet. Anca i segnai audio e radio inn, a bon cunt, in corrent alternada.

In tra i vantagg de la corrent alternada a gh'è de podé mudànn la tension a la svelta e con poch de perder grazzia ai trasformator e de podé spostàlla in su di trate longhe con poch de perder in su la linia e la possibilità de trasformàlla in corrent continua cont i drizzador, menter, rispet a la corrent continua, la po vesser no doperada per di robe compagne del caregà i batarie e l'è pussee perigolosa, vist che 'l corp di omen l'è pussee bon de fà resistenza a 'n fluss continov che vun alternad, quand che 'l se comporta de condensator.

Riferiment[Modifega | modifica 'l sorgent]

Alter proget[Modifega | modifica 'l sorgent]

Vos corelade[Modifega | modifica 'l sorgent]