Coreja de trasmission

Quell articol qì l'è scrivud in Lombard, cond l'ortografia Scriver Lombard.

Coreja trapezoidala

La coreja o corenja de trasmission (ciamada anc zenton) l'è un component mecaneg dovrad per collegar in manera lijerment elastega, ma l'istess solidala, do arbor, col dovrar dei poleje, de solet cond un interass plœtost elevad.

De solet i è componide de anei serrads, con o senza junzion, de cœram, fibre tessile e fil de nylon gomads. Per i coreje plœ performante i è inserids dei rinforz per meiorar la rijideza lonjitudinala, ad esempe dei corde de açal, fibra de veder, kevlar, etc.

Per i aplicazion indove l'è necessare una modesta potenza e la stabilitaa de la trasmission l'è miga 'l lavor plu important (çoè se la coreja la g'ha una valenza cinematega e miga dinamega), come per esempe i mecanism de vertura dei letor oteg dei CD e DVD, s'pœl dovrar semplix anei de goma e guarnizion toroidale o-ring.

Tipolojie de coreje

• 

  Coreja piata

• 

  Coreja trapezoidala

• 

  Coreja poli-V

• 

  Coreja dentada o sincrona

Rijideza

La rijideza assiala de un jenerig toc (de lungeza $L$ e sezion $A$) d'una coreja l'è calcolada comè:

$R_{a}={\dfrac {F}{\Delta L}}={\dfrac {E\cdot A}{L}}={\dfrac {K_{sp}}{L}}$

con $E$ modul de Joung (qe al depend dei materiai cond i quai l'è faita) e $K_{sp}$ rijideza specifega de la coreja, d'ordinare daita del produtor.

Riferiments

• (IT) Cinghia ind la Treccani

Olter projets

• Media in relazion a Coreje de trasmission in su Wikimedia Commons