Comunism de guerra

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.


El comunism de guerra a l'è stada la dottrina economica e sociala de la Russia sovietega in tra 'l 1918 e 'l 1921, durant la guerra civil russa.

El sistema l'ha permittuu al Stat russ, devastaa de la guerra mondiala, de sopravviv e de vinc la guerra civil grazia a la trasformazion de l'Armada Rossa in d'on esercit professional. In del 1921 el Lenin l'ha parpognuu el sistema de la Noeuva Politega Economica che la superava l'impiant economich del comunism de guerra.

Misur[Mudifega | mudìfica 'l sorgènt]

Econòmich[Mudifega | mudìfica 'l sorgènt]

Per garantì el sopravviv di gent de la città a la famina i contaditt eren obligaa a dà tucc i eccedenz al governo e tucc i aziend e i banch a hinn staa nazionalizaa.

Ògni compravendita privada a l'éra vietada e hinn staa mittuu i tesser del mangià, roba che l'ha favorii el mercaa negher.

Sociai[Mudifega | mudìfica 'l sorgènt]

El comunism de guerra el negava i rivendicazion prerivoluzionari cont la militarizzazion del lavorà e la sospension del drizz de sciopero.

A l'éra reintrodotta la pena de mort per i riatt de contrarevoluzion, la censura e l'è staa daa ampi podè a la polizia politica Čeka. A l'éra anca punibil penalment quej che "lavoraven no", categoria che la includeva anca chi doperava brasciant in su la soa terra.

Varda anca[Mudifega | mudìfica 'l sorgènt]